ලොව විශාලතම නිෂ්පාදන අංශය හිමි චීනය, දැනටමත් ඉතා අවම ලාභාංශ මත ක්‍රියාත්මක වේ.

වාර්තා වන අන්දමට අතිරික්ත ධාරිතාවය සහ දැඩි තරඟකාරිත්වය හේතුවෙන් එරට සමාගම්වලින් හතරෙන් එකක් පමණ දැනටමත් පවතින්නේ පාඩු ලබන මට්ටමකය.

ඉහළ යන බලශක්ති සහ අමුද්‍රව්‍ය පිරිවැය නිසා මෙම ලාභාංශ තවදුරටත් සීමා වනු ඇත.

බොහෝ සමාගම් එම අමතර පිරිවැය පාරිභෝගිකයා මත පටවනු වෙනුවට, තමන් විසින්ම දරා ගැනීමට (absorb) උත්සාහ කරනු ඇතැයි අපේක්ෂා කෙරේ. මෙහි ප්‍රතිඵලයක් ලෙස සේවක වැටුප් කප්පාදු කිරීම් සහ නව බඳවා ගැනීම් සීමා කිරීම් සිදුවිය හැක.

නිෂ්පාදන පිරිවැය ශීඝ්‍රයෙන් ඉහළ ගියද, පාරිභෝගික උද්ධමනය ඉතා සුළු වශයෙන් පමණක් ඉහළ යනු ඇතැයි අපේක්ෂා කරන්නේ මේ නිසාය.

මෙහි අවසාන ප්‍රතිඵලය වන්නේ වැඩිවන පිරිවැය, දුර්වල ඉල්ලුම සහ රැකියා වෙළඳපොළට එල්ල වන පීඩනය යන කරුණු තුනෙහි එකතුවෙන් නිර්මාණය වන ඉතා හානිකර තත්ත්වයකි.

බලශක්ති පිරිවැය සහ ප්‍රවාහන ගාස්තු ඉහළ යාම නිසා චීන කර්මාන්තශාලාවල නිෂ්පාදන මිල (Producer Price Index) මාර්තු මාසයේ සිට ඉහළ යනු ඇතැයි පුරෝකථනය කර ඇත.

ජාත්‍යන්තර වෙළඳපල තුළ පවතින දැඩි තරඟකාරිත්වය නිසා, බොහෝ චීන සමාගම් ඉහළ ගිය පිරිවැය පාරිභෝගිකයා මත පටවනු වෙනුවට තමන්ගේ ලාභාංශ (margins) අඩු කර ගැනීමට පෙළඹී ඇත.