විදේශගත ශ්‍රී ලාංකිකයන් සහ ජාතික ජන බලවේගයේ විශ්‍රාමික ත්‍රිවිධ හමුදා සංසදය ජාතික ජන බලවේගයේ ජයග්‍රහණයට බලපාන සාධක බවට රාජ්‍ය බුද්ධි අංශ මෑතක දී රජයට ඉදිරිපත් කළ වාර්තාවෙන් අනතුරු අඟවා ඇති බව එහි නායක අනුර කුමාර දිසානායක පවසයි.

ජාතික ජන බලවේගයේ ත්‍රිවිධ හමුදා සංසදයේ සමුළුවකට කොළඹ දී එක්වෙමින් ඔහු කියා සිටියේ බුද්ධි අංශ ඔවුන්ගේ වාර්තාවෙන් මේ පිළිබඳ සොයා බලන ලෙස රජයෙන් ඉල්ලා ඇති බවයි.

එතෙර සිටින ශ්‍රී ලාංකිකයන්ගේ පුනර්ජීවනය සහ විශ්‍රාමික හමුදා නිලධාරීන් සංවිධාන කිරීම ජාතික ජන බලවේගයේ ජයග්‍රහණය වැළැක්විය නොහැකි කරුණු දෙකක් බව වාර්තාවේ දක්වා ඇති බව ඔහු සඳහන් කරයි.

විශ්‍රාමික හමුදා සාමාජිකයන් ජාතික ජන බලවේගයේ ජයග්‍රහණය සඳහා වඩාත් ශක්තිමත් වී ඇති බව අනුර කුමාර දිසානායක පවසයි.