ඉන්දියාවේ විදේශ ලේකම් වික්‍රම් මිස්රි එක්දින නිල සංචාරයක් සඳහා අද කොළඹට පැමිණියේය.

සිය සංචාරය අතරතුරදී ඔහු ජනාධිපතිවරයා, අග්‍රාමාත්‍යවරිය සහ විදේශ කටයුතු අමාත්‍යවරයා ඇතුළු ඉහළ පෙළේ රාජ්‍ය තාන්ත්‍රිකයින් හමුවී සාකච්ඡා පැවැත්වීමට නියමිතය.

මෙම සංචාරය ශ්‍රී ලංකාව සහ ඉන්දියාව අතර නිරන්තරයෙන් සිදුවන ඉහළ මට්ටමේ රාජ්‍ය තාන්ත්‍රික හුවමාරුවල තවත් ඉදිරි පියවරකි.

දෙරට අතර පවතින සමීප ද්විපාර්ශ්වික සබඳතා තවදුරටත් තහවුරු කරමින්, දැනට ක්‍රියාත්මක ප්‍රධාන සංවර්ධන හා සහයෝගිතා මුලපිරීම් සඳහා නව ජවයක් ලබා දීම මෙම හමුවීම්වල ප්‍රධාන අරමුණ වේ.