සමාජ මාධ්‍යවල හුවමාරු වූ ඡායාරූපයක් සමඟ නැවත කරළියට පැමිණ ඇති ජාතික ජන බලවේගයේ පාර්ලිමේන්තු මන්ත්‍රීනි නිලන්ති කොට්ටහච්චි පවසන්නේ, මේ රට දේශපාලන අගාධයකට ඇද දැමූ කිසිදු දේශපාලන නායකයකු ඉදිරියේ තමන් කිසිවිටෙකත් හිස නමන්නේ නැති බවයි.

තමන්ට ජනවරම ලබාදුන්, ඔවුන් කෙරෙහි විශ්වාසය තැබූ සහ මේ රට සංවර්ධනය කිරීමට අරගල කරන අහිංසක ජනතාව ඉදිරියේ හිස නමා ආචාර කිරීමට තමන් නිහතමානී බව ඇය වාර්තාකරුවන්ට පැවසුවාය.

“ඡායාරූපයේ ඉන්නේ මා නොවන බව මම නැවත අවධාරණය කරනවා. මට කිසිදු රහසිගත දේශපාලන ගනුදෙනුවක් නැහැ. මේ රට මේ දේශපාලන අගාධයට ඇදදමපු දේශපාලන නායකයන් ඉදිරියේ මම කිසිම විටෙක හිස නමන්නේ නැහැත. අපට ජනවරම ලබාදුන්, අපව විශ්වාස කර මේ රට සංවර්ධනය කිරීමට අරගල කරන අහිංසක ජනතාව ඉදිරියේ හිස නමා ආචාර කිරීමට මම නිහතමානී වෙනවා” ඇය පැවසුවාය.