චෙන්නායි හි අමෙරිකානු කොන්සල් කාර්යාලයට සහ බැංගලෝරයේ ඊශ්‍රායල කොන්සල් කාර්යාලයට බෝම්බ හෙළීමට කුමන්ත්‍රණය කිරීමේ චෝදනාවලට ප්‍රතිචාර දැක්වීම සඳහා ශ්‍රී ලංකාවේ එරට මහ කොමසාරිස් කාර්යාලයේ සේවය කරන පාකිස්ථාන නිලධාරියකුට ඔක්තෝබර් 15 වැනිදා පෙනී සිටින ලෙස පූනමල්ලී හි ජාතික විමර්ශන ඒජන්සියේ විශේෂ අධිකරණය නිවේදනයක් නිකුත් කර තිබේ.

කැඳවනු ලැබූ නිලධාරියා පාකිස්ථානයේ කරච්චි හි ස්ථිර ලිපිනයක් ඇති සහ කොළඹ වීසා උපදේශකයකු ලෙස සේවය කරන අමීර් සුබෙයාර් සිද්ධික් ලෙස හඳුනාගෙන ඇත.

ප්‍රකාශයට අනුව, අපරාධ කුමන්ත්‍රණය, ඉන්දියාවට එරෙහිව යුද්ධ කිරීම සහ ව්‍යාජ නෝට්ටු භාවිත කිරීම ඇතුළු වැරදි සඳහා ඔහුට චෝදනා එල්ල වේ.

ඔහු පලා ගොස් ඇති බව අධිකරණය පැවසීය.

මෙම නඩුව 2014 අප්‍රේල් මාසයේදී චෙන්නායි හි අපරාධ පරීක්ෂණ දෙපාර්තමේන්තුව විසින් ලියාපදිංචි කරන ලද අතර පසුව ජාතික විමර්ශන ඒජන්සියේ හයිද්‍රාබාද් ශාඛාව විසින් පවරා ගන්නා ලදී.

ඒ, ඉන්දියාවේ කඩාකප්පල්කාරී ක්‍රියාකාරකම් සිදු කිරීම සඳහා අමීර් සුබයිර් සිද්දික් ගේ උපදෙස් පරිදි ඉන්දියාවට පැමිණ සිටි ශ්‍රී ලාංකිකයකු වන මොහොමඩ් සකීර් හුසේන් චෙන්නායිහිදී අත්අඩංගුවට ගැනීමෙන් පසුවය.

2014 මැයි 1 වැනිදා මොහොමඩ් සලීම් නැමති 5 වැනි චූදිතයාගෙන් රුපියල් ලක්ෂ 2.5ක මුහුණත වටිනාකමක් ඇති ‘උසස් තත්ත්වයේ’ ව්‍යාජ ඉන්දියානු ව්‍යාජ නෝට්ටු අත්අඩංගුවට ගෙන තිබිණි.

නඩුවේ පළමු විත්තිකරු වන මුහම්මද් සකීර් හුසේන් දැනටමත් වරදකරු වී ඇති අතර, 2018 දී ජාතික විමර්ශන ඒජන්සිය සිද්ධික්ට එරෙහිව අතිරේක චෝදනා පත්‍රයක් ගොනු කළේය.