හිටපු අමාත්‍ය එස්.එම්. චන්ද්‍රසේන අල්ලස් හෝ දූෂණ චෝදනා විමර්ශන කොමිසම විසින් අත්අඩංගුවට ගෙන තිබේ.

සිදුවෙමින් පවතින පරීක්ෂණයක් සම්බන්ධයෙන් ප්‍රකාශයක් ලබාගැනීම සඳහා අද දින අල්ලස් කොමිසමට වාර්තා කිරීමෙන් පසු හිටපු අමාත්‍යවරයා අත්අඩංගුවට ගෙන ඇත. එහෙත්න ඔහු අත්අඩංගුවට ගැනීමට හේතුව පැහැදිලි නැත.

මෙම වසරේ අප්‍රේල් මාසයේදී, හිටපු අමාත්‍යවරයාගේ සහෝදරයා වන උතුරු මැද පළාත් හිටපු මහ ඇමති එස්.එම්. රංජිත් සහ ඔහුගේ බිරිඳ වන ශාන්තිනි චන්ද්‍රසේන දූෂණ චෝදනා සම්බන්ධයෙන් වරදකරුවන් බවට පත්කරන ලදී.

අල්ලස් කොමිසම විසින් ගෙන එන ලද දූෂණ චෝදනා සම්බන්ධයෙන් අප්‍රේල් 02 වන දින කොළඹ මහාධිකරණය එස්.එම්. රංජිත් සහ ශාන්තිනි චන්ද්‍රසේන යන දෙදෙනාටම වසර 16 බැගින් බරපතල වැඩ සහිත සිරදඬුවම් නියම කළේය.

උතුරු මැද පළාත් ප්‍රධාන අමාත්‍යවරයා ලෙස කටයුතු කරමින් සිටියදී, ඔහුගේ පෞද්ගලික ලේකම් ශාන්තිනි චන්ද්‍රසේන මහත්මියගේ නිල වාහනය සඳහා ඉන්ධන වෙන් කිරීමට කටයුතු කළ බවට චෝදනා එල්ල වී තිබිණි.

ශාන්තිනි, හිටපු අමාත්‍ය එස්.එම්. චන්ද්‍රසේනගේ බිරිඳ, 2012 සිට 2014 දක්වා රංජිත් මහඇමති ධුරය දැරූ කාලය තුළ ඔහුගේ පෞද්ගලික ලේකම්වරිය ලෙස සේවය කළාය.

මෙම කාලය තුළ වවුචර් මගින් රුපියල් 2,680,528 ක් සහ රුපියල් 5,379,623 ක් වටිනා ඉන්ධන ලබා ගත් බවට චෝදනා කරමින් ශාන්තිනි චන්ද්‍රසේනට එරෙහිව අල්ලස් කොමිසම නඩුවක් ගොනුකළේය.

ප්‍රධාන අමාත්‍යවරයාගේ නිල මෝටර් රථ දෙක සහ ආරක්ෂක වාහනයට අමතරව පළාත් සභා මන්ත්‍රීවරුන්ට අමතර වාහන දෙකක් නිදහස් කිරීමට බලපෑම් කිරීම සම්බන්ධයෙන් ඇයට සහ රංජිත්ට චෝදනා එල්ල වී තිබිණි.