February 15, 2026
කුමන ජාතික වනෝද්යානය තුළ සිදුවන බවට චෝදනා එල්ල වන අක්රමිකතා සහ සැක සහිත දඩයම් කිරීමේ සිදුවීම් වහාම විමර්ශනය කරන ලෙස පරිසරවේදීන් වනජීවී සංරක්ෂණ දෙපාර්තමේන්තුවෙන් ඉල්ලා තිබේ.
සංචාරකයන් විසින් පවසා ඇති පරිදි, පෙබරවාරි 6 වැනිදා රාත්රියේ උද්යානය තුළ කඳවුරු භූමිය අසල ප්රදේශවලින් වෙඩි හඬ කිහිපයක් ඇසී තිබේ.
පසුදා උදෑසන, සෆාරි සංචාරකයන් ප්රකාශ කර ඇත්තේ අභ්යන්තර ප්රවේශ මාර්ගයක් අසල වෙඩි තබා මරා දැමූ බව කියන මුවන් දෙදෙනෙකු තමන් දුටු බව ය.
එවැනි සිදුවීම් ආරක්ෂිත ප්රදේශය තුළ පෙර නොවූ විරූ දෙයක් බව වනජීවී උපදේශකයෝ පවසති.
උද්යාන පරිපාලනයේ දුර්වලතා නීති විරෝධී ක්රියාකාරකම් සඳහා ඉඩ සැලසිය හැකි බවට ඔවිහු චෝදනා කරති.
තත්ත්වයේ බරපතළකම තිබියදීත් ප්රමාණවත් වැළැක්වීමේ පියවර ගෙන නොමැති බවට ඔවුන් තවදුරටත් චෝදනා කර තිබේ.
පෙබරවාරි 13 වැනිදා තවත් සිදුවීමකදී, බෝවත්ත ගල්ගේ ප්රදේශය අසලින් දිවා කාලයේ දී අධික දුමාරයක් නැඟී ඇති බව සංචාරකයන් වාර්තා කළ අතර එය සංචාරකයන් අතර තවදුරටත් කණස්සල්ලට හේතු විය.
මූලාශ්රවලට අනුව, සත්ව මළකඳන් දැකීමෙන් පසු විදේශීය අමුත්තන් පිරිසක් ඔවුන්ගේ සෆාරිය නතර කළ බව වාර්තා වේ.
අඛණ්ඩ අක්රමිකතා වනජීවී සංරක්ෂණ කටයුතුවලට තර්ජනයක් විය හැකි බවත්, ප්රධාන පාරිසරික සංචාරක ගමනාන්තයක් ලෙස උද්යානයේ කීර්ති නාමයට හානි කළ හැකි බවත් පරිසර කණ්ඩායම් අනතුරු අඟවයි.
වනෝද්යානය තුළ වන සතුන් ආරක්ෂා කිරීම සඳහා කඩිනම් පරීක්ෂණයක් පවත්වන ලෙසත්, මුර සංචාර ශක්තිමත් කරන ලෙසත්, දැඩි බලාත්මක කිරීම් සහතික කරන ලෙසත් ඔවුන් වනජීවී සංරක්ෂණ දෙපාර්තමේන්තුවෙන් ඉල්ලා තිබේ.
