කුප්‍රකට එයාර් බස් ගුවන් යානා ගනුදෙනුවට අදාළ අල්ලස් චෝදනාවකට සැකකරුවන් ලෙස නම් කර ඇති ශ්‍රී ලංකන් ගුවන් සමාගමේ හිටපු ප්‍රධාන විධායක නිලධාරී කපිල චන්ද්‍රසේනගේ බිරිඳ සහ ශ්‍රී ලංකන් ගුවන් සමාගමේ හිටපු අධ්‍යක්ෂ මණ්ඩල සාමාජික සහ හිටපු අමාත්‍ය චමල් රාජපක්ෂගේ පුත් ශමින්ද්‍ර රාජපක්ෂ අත්අඩංගුවට ගැනීමේ වරෙන්තු නිකුත් කරන්නේද යන්න පිළිබඳ නියෝගය 2026 අප්‍රේල් 02 වැනි දින ප්‍රකාශයට පත්කරන බව කොළඹ මහේස්ත්‍රාත් අධිකරණය නිවේදනය කර තිබේ.

අල්ලස් හෝ දූෂණ චෝදනා විමර්ශන කොමිෂන් සභාවේ නිලධාරීන් විසින් ඉදිරිපත් කරන ලද සාක්ෂි සලකා බැලීමෙන් පසු ප්‍රධාන මහේස්ත්‍රාත් අසංග එස්. බෝදරගම විසින් මෙම තීරණය ගෙන ඇති බව වාර්තා සඳහන් කරයි.