October 6, 2024
මුදල් අමාත්‍යාංශයේ රජය සතු ව්‍යවසාය ප්‍රතිව්‍යුහගත කිරීමේ ඒකකයේ ඉරණම ඇතුළුව රජය සතු ව්‍යවසාය ප්‍රතිව්‍යුහගත කිරීම සම්බන්ධ සියලු තීරණ නොවැම්බර් පාර්ලිමේන්තු මැතිවරණයෙන් පසුව තීරණය කරනු ඇති බව මුදල් අමාත්‍යාංශය පවසයි.
භාණ්ඩාගාර නියෝජ්‍ය ලේකම් ආර්.එම්.පී. රත්නායක ප්‍රකාශ කර ඇත්තේ රජය සතු ව්‍යවසාය පෞද්ගලීකරණය සම්බන්ධයෙන් වන පසුගිය රජයේ ප්‍රතිපත්තිය දිගටම පවතින්නේද යන්න මෙන්ම රජය සතු ව්‍යවසාය ප්‍රතිව්‍යුහගත කිරීමේ ඒකකයේ හි ඉරණමද නොවැම්බර් 14 පාර්ලිමේන්තු මැතිවරණයෙන් පසුව තීරණය වන ප්‍රතිපත්තිමය තීරණයක් බවයි.
රජය සතු ව්‍යවසාය ප්‍රතිව්‍යුහගත කිරීමේ ඒකකය දැනට අඛණ්ඩව ක්‍රියාත්මක වෙමින් එහි මෙහෙයුම් සිදු කරන බව ඔහු සඳහන් කර තිබේ.
කෙසේවෙතත්, ලංසුකරුවන්ගෙන් යෝජනා සඳහා ඉල්ලීම් කැඳවීම ඇතුළුව අපේක්ෂිත සියලුම ප්‍රධාන ප්‍රතිපත්ති තීරණ කල් දමා ඇත.
මෙමගින් පෙන්නුම් කරන්නේ ජාතික ජන බලවේගය රජය සතු ව්‍යවසාය පෞද්ගලීකරණයට විරුද්ධ වන හෙයින්, රජය සතු ව්‍යවසාය පෞද්ගලීකරණය කිරීමේ පසුගිය රජයේ ව්‍යාපාරය දුර්වල අවසානයක් කරා ගමන් කරන බවයි.
රජය සතු ව්‍යවසාය ප්‍රතිව්‍යුහගත කිරීමේ ඒකකයේ ප්‍රධානී සුරේෂ් ෂා සඳහන් කර තිබුණේ තම ඒකකයේ ඉරණම නව රජය විසින් ගත යුතු ප්‍රතිපත්තිමය තීරණයක් බවයි.
2022 දී ජය සතු ව්‍යවසාය ප්‍රතිව්‍යුහගත කිරීමේ ඒකකය පිහිටුවන විට, එය සිංගප්පූරුවේ Temasek Holdings පිළිබිඹු කරන හෝල්ඩින් සමාගමක් ලෙස පිහිටුවීමට පියවර ගන්නා බව නිවේදනය කරන ලදී.
ඒ අනුව, පසුගිය රජයේ රජය සතු ව්‍යවසාය ප්‍රතිපත්තිය යටතේ, රජය සතු ව්‍යවසාය ප්‍රතිව්‍යුහගත කිරීමේ ඒකකය රජය සතු සියලුව්‍යවසාය ප්‍රතිව්‍යුහගත කෙරෙන හෝල්ඩින් සමාගමක් ලෙස සංස්ථාගත කිරීමට තීරණය විය.
යෝජිත නව රජය සතු ව්‍යවසාය පිළිබඳ නීතිය මගින් එය බලාත්මක කිරීමට නියමිතව තිබිණි.
කෙසේවෙතත්, මෙම නීතිය ක්‍රියාත්මක කිරීම අද දක්වා ප්‍රමාද වී ඇත.
