March 4, 2026
ඉරානයේ ස්වෛරීභාවය ආරක්ෂා කිරීම සඳහා සහාය දක්වන බවත් මැදපෙරදිග පුරා ආතතීන් උත්සන්න නොවීම සඳහා හමුදා මෙහෙයුම් වහාම නතර කරන ලෙසත් චීනය පසුගිය සඳුදා (2) එක්සත් ජනපදය හා ඊශ්රායලය ඉල්ලා සිටියේය.
චීන විදේශ අමාත්ය වැන්ග් යී ඉරාන විදේශ අමාත්ය අබ්බාස් අරග්චිට දුරකථන ඇමතුමක් දෙමින් පවසා ඇත්තේ චීනය ඉරානයේ ස්වෛරීභාවය, ආරක්ෂාව සහ භෞමික අඛණ්ඩතාව ආරක්ෂා කිරීම සඳහා සහාය දක්වන බවයි.
තවදුරටත් ආතතිය උත්සන්න වීම වළක්වා ගැනීමට සහ කලාපය පුරා ගැටුම පැතිරීම වැළැක්වීමට කටයුතු කරන ලෙස ඔහු එක්සත් ජනපදයෙන් සහ ඊශ්රායලයෙන් ඉල්ලා සිටියේය.
ඕමානයේ විදේශ අමාත්ය බද්ර් අල්බුසයිඩි සහ ප්රංශයේ විදේශ අමාත්ය ජීන්-නොයෙල් බැරට් වෙත ද ඇමතුම් ලබා ගනිමින්, එක්සත් ජනපදය සහ ඊශ්රායලය එක්සත් ජාතීන්ගේ ප්රඥප්තියේ මූලධර්ම උල්ලංඝනය කරන බවට වැන්ග් චෝදනා කළ බව චීන සීසීටීවී ය වාර්තා කර තිබිණි.
ඔහු පවතින තත්ත්වය හඳුන්වා දී තිබුණේ ‘කැලෑ නීතිය දක්වා පසුබෑමක්’ ලෙසයි.
ඉරාන න්යෂ්ටික ප්රශ්නය දේශපාලනික හා රාජ්ය තාන්ත්රික මාවතකට නැවත පැමිණිය යුතු බවත්, චීනය එක්සත් ජාතීන්ගේ ආරක්ෂක මණ්ඩලයේ ඵලදායී කාර්යභාරයක් ඉටු කිරීමට සූදානම් බවත් ඔහු පවසා තිබේ.
