මිනීමැරුම්, පුපුරන ද්‍රව්‍ය සන්තකයේ තබාගැනීම සහ නගර මිනිස් ජාවාරම් සම්බන්ධව චෝදනා එල්ලවී ඇති, ශ්‍රී ලංකාවේ සැඟවී සිටි 47 හැවිරිදි පුද්ගලයකු චෙන්නායි පොලිසිය සඳුදා(25) අත්අඩංගුවට ගෙන තිබේ.

අත්අඩංගුවට ගත් පුද්ගලයා තන්ජාවුර් දිස්ත්‍රික්කයේ අදිරම්පත්තිනම් හි තවුෆීක් අමීඩ් (47) ලෙස දක්වා ඇත.

වාර්ගික කෝලාහල ඇති කිරීමට කුමන්ත්‍රණය කිරීම සම්බන්ධයෙන් තවුෆීක් අමීඩ් 2011 දී අත්අඩංගුවට ගනු ලැබීය.

පසුව ඔහු ඇප මත මුදාහැරිය නමුත් ඔහු අධිකරණ කටයුතු මඟ හැර තිබේ.

ඉන් පසුව අධිකරණය ඔහුට එරෙහිව 2021 දී ඇප දිය නොහැකි වරෙන්තුවක් නිකුත් කළේය.

කොඩුන්ගයූර්, එස්ප්ලැනේඩ්, මුතියාල්පෙට්, මින්ජුර්, තිරුචි, අදිරම්පත්තිනම් සහ උතමනල්ලූර් යන පොලිස් ස්ථානවල සහ කේරළයේ සහ මුම්බායි යන ප්‍රදේශවල මිනීමැරුම්, පුපුරණ ද්‍රව්‍ය ළඟ තබා ගැනීම සහ මිනිස් ජාවාරම් ඇතුළු වැරදි සම්බන්ධයෙන් ඔහුට එරෙහිව අපරාධ නඩු 14 ක් ඇති බව නඩුව විමර්ශනය කරන පොලිස් කණ්ඩායම සොයාගෙන ඇත.

මෙම පුද්ගලයා සම්බන්ධයෙන් පොලිසිය විසින් නිරීක්ෂණ චක්‍රලේඛයක් නිකුත් කර ගුවන් තොටුපළවල් රැසක් දැනුවත් කර ඇත.

කොළඹ සිට ගුවන් යානයකින් පැමිණි ඔහු චෙන්නායි ගුවන් තොටුපළේදී අත්අඩංගුවට ගෙන ඇත.