July 7, 2024
වත්මන් ජනාධිපතිවරයාගේ ධූර කාලය ආණ්ඩුක්රම ව්යවස්ථාවට අනුකූලව අර්ථ නිරූපණය කරන ලෙස ඉල්ලා චමීන්ද්ර දයාන් ලේනව නමැත්තා විසින් ශ්රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනුකර තිබුණු අතර ඒ හේතුවෙන් ඔහුගේ දේශපාලන අනන්යතාවය සම්බන්ධයෙන් බොහෝ විරුද්ධ දේශපාලන පක්ෂ සහ ඒවායේ නායකයන් අතර මතභේදාත්මක තත්ත්වයක් උද්ගත වී තිබේ.
මැතිවරණ මහලේකම් කාර්යාලයේ ලේඛනවලට අනුව පසුගිය මහ මැතිවරණයේදී රොහාන් පල්ලෙවත්තගේ නායකත්වයෙන් යුත් ජාතික සංවර්ධන පෙරමුණේ ජාතික ලැයිස්තුවේ ලේනාව නමැත්තා සිටියේය.
පානදුර ප්රදේශයේ ව්යවසායකයකු ලෙස තමන්ව හඳුන්වාදෙන ලේනව විසින් ඉදිරිපත් කර ඇති පෙත්සම මගින් ජනාධිපතිවරයාගේ ධූර කාලය නිශ්චිතව පැහැදිලි කිරීමේ අවශ්යතාව අධිකරණයට අවධාරණය කරන අතර, මෙම අර්ථකථනය ලබාදෙන තුරු ඉදිරි ජනාධිපතිවරණය ප්රමාද කිරීමට අතුරු නියෝගයක් නිකුත් කරන ලෙසද ඉල්ලා තිබේ.
පක්ෂ සහ දේශපාලන විචාරකයන් සහ සමාජ මාධ්ය ක්රියාකාරීන්ගේ පළමු ප්රතිචාරය වූයේ ලේනව එක්සත් ජාතික පාක්ෂිකයකු සහ ජනාධිපති රනිල් වික්රමසිංහගේ ආධාරකරුවකු බවයි.
ජාතික ජනබලවේගයේ ජාතික විධායක සභාවේ සාමාජික සුනිල් හඳුන්නෙත්ති එම පක්ෂයේ දේශපාලන රැස්වීම්වලදී චෝදනා කළේ පසුගිය මහ මැතිවරණයේදී ලේනව නමැත්තා එක්සත් ජාතික පක්ෂයේ ජාතික ලැයිස්තුවේ සිටි බවයි.
ජනාධිපතිවරයා සහ ඔහුගේ ආධාරකරුවන් මැතිවරණ ක්රියාවලිය හැසිරවීමට උත්සාහ කරන බවට ද ඔහු චෝදනා කළේය.
ලේනව නමැත්තා සමගි ජනබලවේගයේ සාමාජිකයකු බවට එල්ල වන චෝදනාවලට ප්රතිචාර වශයෙන් එම පක්ෂය සිකුරාදා එහි ප්රකාශක හිටපු පාර්ලිමේන්තු මන්ත්රී සුජීව සේනසිංහ මගින් සිය ස්ථාවරය පැහැදිලි කළේය.
එහිදී සුජීව සේනසිංහ සිය පක්ෂයට ලේනව සමඟ සම්බන්ධයක් පවතින බවට පළවන වාර්තා ප්රතික්ෂේප කළේය.
“සමහරු ලේනව සමගි ජනබලවේගය එක්ක සම්බන්ධ කරන්න හදනවා. අපිට එයා එක්ක කරන්න දෙයක් නෑ. ඔහුව අපිත් එක්ක සම්බන්ධ කරන්න හදන අය මඩ ගහන එක විතරයි කරන්නේ,” සුජීව සේනසිංහ සිකුරාදා කොළඹ පැවති ජනමාධ්ය හමුවකදී පැවැසීය.
මේ අතර, ජනාධිපති මාධ්ය අංශය නිකුත් කළ නිවේදනයක දැක්වෙන්නේ, 2024 දී ජනාධිපතිවරණය පැවැත්වීම සඳහා තම සහාය පළකරමින් ජනාධිපතිවරයාගේ ධූර කාලය වසර පහක් බව ජනාධිපති රනිල් වික්රමසිංහ විශ්වාස කරන බවයි. (Sunday Island)
