එක්සත් ජාතීන්ගේ සංවිධානය විසින් ඊයේ (අඟහරුවාදා) ප්‍රකාශයට පත්කරන ලද නිල ඡන්ද ප්‍රතිඵලවලට අනුව, එක්සත් ජාතීන්ගේ මහා මණ්ඩලයේ නව සභාපතිවරයා ලෙස රහ්මාන් තේරී පත්වී තිබේ.

එහිදී ඔහු ඡන්ද 99ක් ලබාගත් අතර, ඔහුගේ ප්‍රතිවාදියා වූ සයිප්‍රස් රාජ්‍යයේ ඇන්ඩ්‍රියාස් එස්. කැකූරිස්ට ලබාගත හැකි වූයේ ඡන්ද 91ක් පමණි.

නිව්යෝර්ක් හි පිහිටි එක්සත් ජාතීන්ගේ මූලස්ථානයේදී රහස් ඡන්දයකින් මෙම මැතිවරණය පවත්වන ලදී.

එහිදී සමස්තයක් ලෙස ඡන්ද ප්‍රකාශ කිරීම් 190ක් සටහන් වූ අතර, කිසිදු ඡන්දය දීමෙන් වැළකී සිටීමක් වාර්තා වී නොමැත.

ඒ අනුව, එක්සත් ජාතීන්ගේ මහා මණ්ඩලයේ 80 වැනි සැසිවාරයේ සභාපතිත්වය දැරූ ජර්මනියේ ඇන්නාලෙනා බෙයර්බොක්ගෙන් පසුව රහ්මාන් මෙම ධුරයේ වැඩකටයුතු භාරගැනීමට නියමිතය. ර

හ්මාන්ගේ වසරක නිල කාලය එළඹෙන 2026 සැප්තැම්බර් මාසයේදී ආරම්භ වන මහා මණ්ඩලයේ 81 වැනි සැසිවාරයත් සමඟ නිල වශයෙන් ආරම්භ වීමට නියමිතව ඇත.

එක්සත් ජාතීන්ගේ මහා මණ්ඩල සභාපතිවරයා, සාමාජික රටවල් 193කින් සමන්විත මෙම ඉහළම ආයතනයේ රැස්වීම්වල මුලසුන හොබවනු ලබන අතර ප්‍රධාන අන්තර්ජාතික ගැටලු පිළිබඳ සාකච්ඡා මෙහෙයවීම සඳහා ප්‍රමුඛ කාර්යභාරයක් ඉටු කරයි.

කෙසේවුවද, මෙම තනතුර එක්සත් ජාතීන්ගේ සංවිධානය තුළ විධායක බලතල සහිත ධුරයක් නොවන බව ද සඳහන් වේ.