ඉන්දියාවේ කොඩගු දිස්ත්‍රික්කයේ ඩුබාරේ අලි කඳවුරේදී අලින් දෙදෙනෙකු අතර ඇති වූ ගැටුමකට හසු වී සංචාරකයකු මිය ගොස් තිබේ.

මෙලෙස මියගොස් ඇත්තේ තමිල්නාඩුවේ සිට පැමිණි 33 හැවිරිදි ජේ තුලාසි නැමති කාන්තාවය.

තුලාසි ඇගේ සැමියා සහ පුතා සමඟ දිනකට පෙර කොඩගු දිස්ත්‍රික්කයට පැමිණ ඇති බව වාර්තා වී ඇත.

සංචාරකයන් මාර්තාණ්ඩ සහ කන්ජන් යන අලි දෙදෙනා දෛනික චර්යාවේ කොටසක් ලෙස ස්නානය සඳහා රැගෙන යන අතරතුර එය නැරඹීමට සංචාරකයන් ඊයේ දහවල් වැවක් අසල රැස් වූ අවස්ථාවේදී මෙම අනතුර සිදුව තිබේ.

මාර්තාණ්ඩ හදිසියේම කන්ජන්ට පහර දීමෙන් පසුව ගැටුම ආරම්භ වූ බව පැවසේ.

ඇත්ගොව්වන් වන එම් ගෝස් සහ විජේ කුමාර් ඔවුන් පාලනය කිරීමට උත්සාහ කළද, කන්ජන් මාර්තාණ්ඩාවට කඩා වැදී පහර දී ඇත.

මාර්තාණ්ඩාව සමබරතාව නැති වී වැටුණු විට, කාන්තාව අලියාට යට වී සිරවීමෙන් මිය ගොස් තිබේ.

“කන්ජන් මදකිපී සිටියේ නැහැ,” යනුවෙන් නියෝජ්‍ය වනජීවී නිලධාරී රන්ජන් කේ පැවසීය.

සිද්ධියෙන් පසු වනජීවී නිලධාරීන් කඳවුරට පැමිණ පරීක්ෂණයක් ආරම්භ කර තිබිණි.