මේ වසරේ ඔක්තෝබර් මාසයේදී අවසන් වීමට නියමිත ජනාධිපතිවරණයෙන් පසු වහාම හදිසි මහ මැතිවරණයක් පැවැත්වීමට නියමිත බව වාර්තා වේ.

ජනාධිපතිවරණයට පෙර හෝ ඒ අතරතුර හදිසි මහ මැතිවරණයක් ප්‍රකාශයට පත් කිරීමට ජනාධිපති රනිල් වික්‍රමසිංහ විසින් ප්‍රතික්ෂේප කර ඇතැයි ද වාර්තා වේ.

ඔහු කැබිනට් ඇමැතිවරුන්ට පවසා ඇත්තේ ජනාධිපතිවරණයෙන් පසු පාර්ලිමේන්තු මැතිවරණයක් පවත්වන බවයි.

එබඳු මැතිවරණයක් පැවැත්වීමට ලබන වසරේ මැද නියමිත කාලය තෙක් බලා නොසිට ඔක්තෝබර් මාසයේ පැවැත්වෙන ජනාධිපතිවරණයෙන් කවුරුන් ජයග්‍රහණය කළත් කඩිනමින් මැතිවරණයක් ප්‍රකාශයට පත් කිරීම දේශපාලනික වශයෙන් සංවේදී කරුණකි.

ජයග්‍රහණය කරන ඕනෑම අපේක්ෂකයෙකු තම පක්ෂයට හෝ සන්ධානයට බහුතර බලයක් සහිත නව පාර්ලිමේන්තුවක් තෝරා ගනු ඇත.

ශ්‍රී ලාංකේය දේශපාලන සංස්කෘතිය තුළ ජනාධිපතිවරණ ජයග්‍රහණය කරන පක්ෂය ඊළඟට එන මහ මැතිවරණ ජයග්‍රහණය කිරීම ස්වභාවිකය.

අවසන් වරට මහ මැතිවරණය පවත්වන ලද්දේ 2020 අගෝස්තු මාසයේදීය.

ආණ්ඩුක්‍රම ව්‍යවස්ථාව අනුව ප්‍රකාශ කරන ඕනෑම මැතිවරණයක් පැවැත්වීමට මැතිවරණ කොමිසම නීත්‍යනුකූලව බැඳී සිටී.

එසේම, මහ මැතිවරණය සහ ජනාධිපතිවරණය එකවර පැවැත්වීම සඳහා විධිවිධාන ඇත.

ජුලි 17 න් පසු, සැප්තැම්බර් 17 සහ ඔක්තෝබර් 16 අතර දිනක ඡන්ද විමසීම ඉලක්ක කර ගනිමින් ජනාධිපතිවරණ කටයුතු ආරම්භ කිරීමට කොමිසමට බලය ලැබේ.

එහි සභාපති ආර්.එම්.ඒ.එල්.රත්නායකගේ අත්සනින් යුතුව නිකුත් කළ නිවේදනයක සඳහන් වන්නේ , ආණ්ඩුක්‍රම ව්‍යවස්ථාවේ විධිවිධාන ප්‍රකාරව නියමිත කාල සීමාව තුළ ජනාධිපතිවරණය පැවැත්වීම සඳහා මැතිවරණ කොමිෂන් සභාව නාමයෝජනා කැඳවන බවයි.

මැතිවරණ පැවැත්වීම සඳහා කොමිෂන් සභාව මේ වන විට අවශ්‍ය විධිවිධාන සම්පාදනය කරමින් සිටී.