අන්තර්ජාතික කලාකරුවන් ගෙන්වා ගනිමින් සංචාරක ක්ෂේත්‍රය නංවාලීම සඳහා ජල ක්‍රීඩා උත්සව පැවැත්වීමට සැලසුම් කර ඇති බව ශ්‍රී ලංකා සංචාරක ප්‍රවර්ධන කාර්යාංශයේ සභාපති චාලක ගජබාහු පවසයි.

ඔහු සඳහන් කර ඇත්තේ සැප්තැම්බර් සිට දෙසැම්බර් දක්වා කාලයේ දී අන්තර්ජාතික කලාකරුවන් කිහිප දෙනෙකුට ශ්‍රී ලංකාව සත්කාරකත්වය සැපයීමට සුදානම් බවයි.

සීගිරියේ විලාසිතා දැක්මක් පැවැත්වීමට ද සැලසුම් කර ඇති බව ඔහු සඳහන් කර තිබේ.

2024 වර්ෂයේදී ශ්‍රී ලංකාව සංචාරකයන් මිලියන 2.3ක් ඉලක්ක කර ගනිමින් සිටින අතර එය මිලියන 2.5 දක්වා ඉහළ යනු ඇතැයි අපේක්ෂා කරන බව ගජබාහු පවසයි.

ජල ක්‍රීඩා සඳහා ශ්‍රී ලංකාවේ ඇති හැකියාව ප්‍රදර්ශනය කිරීම සඳහා ත්‍රිකුණාමලය, ආරුගම්බේ සහ කල්පිටිය වැනි වෙරළබඩ නගරවල ජල උත්සවයක් පැවැත්වීමට ද ශ්‍රී ලංකාව සැලසුම් කරමින් සිටින බව ගජබාහු වැඩිදුරටත් සඳහන් කර තිබේ.