May 30, 2025
රුපියල් මිලියන 35 කට ආසන්න මූල්‍ය වංචාවක් සම්බන්ධයෙන් රජයේ බැංකු ලිපිකරුවකු අත්අඩංගුවට ගෙන තිබේ.
ගනුදෙනුකරුවකුගේ ගිණුම් හැසිරවීම සහ ව්‍යාජ අනන්‍යතා යටතේ නිර්මාණය කරන ලද වංචනික ගිණුම්වලට එම මුදල් මාරුකිරීම සම්බන්ධයෙන් සැකකරුට චෝදනා එල්ල වී ඇත.
මෙම ක්‍රමයට නීත්‍යානුකූල තැන්පත්කරුවන්ගේ ගිණුම්වලින් මුදල් පෞද්ගලික ලාභ ප්‍රයෝජන සඳහා මෙම ව්‍යාජ ගිණුම්වලට යවා ඇති බව වාර්තා වේ.
බැංකුවේ ශාඛා කළමනාකරු විසින් ශාඛාවේ සැළකිව යුතු මුදල් හිඟයක් පැවතීම හේතුවෙන් කඩුවෙල පොලිසියට ඒ බව වාර්තා කළ විට වංචාව පිළිබඳව අනාවරණය වී තිබේ.
