2024 පාර්ලිමේන්තුව මැතිවරණයට අදාළව අද දිනයේදී දිවයින පුරා පිහිටි ඡන්ද මධ්‍යස්ථානවල ප්‍රකාශිත ඡන්දවල සමස්ථ ප්‍රතිශතය 65% ක් පමණ වන බව වාර්තා වේ.

එමෙන්ම දිස්ත්‍රික්ක මට්ටමින් ප්‍රකාශිත ඡන්දවල ප්‍රතිශත ද මේ වනවිට නිකුත් කෙරෙමින් තිබේ.

මේ වනවිට වාර්තා වන පරිදි වැඩිම ඡන්ද ප්‍රතිශතයක් වාර්තා වී ඇත්තේ යාපනය දිස්ත්‍රික්කයෙන් වේ.

එම ප්‍රතිශතය 69% කි.

ඊට අමතරව නුවරඑළිය 68% ක්, මාතලේ 67% ක්, බදුල්ල 67% ක් ලෙස ප්‍රකාශිත ඡන්ද ප්‍රතිශතය දැක්වේ.

කොළඹ දිස්ත්‍රික්කයේ ප්‍රකාශිත ඡන්ද ප්‍රතිශතය වාර්තා වන්නේ 65% ක් ලෙසයි.

ගම්පහ දිස්ත්‍රික්කයේ ද ප්‍රකාශිත ඡන්ද ප්‍රතිශතය 65% ක් ලෙස වාර්තා වන අතර කළුතර දිස්ත්‍රික්කයේ ප්‍රකාශිත ඡන්ද ප්‍රතිශතය 64% කි.

ඊට අමතරව මහනුවර 62%, ගාල්ල 64, මාතර 64%, හම්බන්තොට 60%, වන්නි 65%, මඩකලපුව 61%, දිගාමඩුල්ල 62%, ත්‍රීකුණාමලය 67%, පුත්තලම 56%, අනුරාධපුරය 65%, පොළොන්නරුව 65%, මොනරාගල 61%, රත්නපුර 65% සහ කෑගල්ල 64% ක් ලෙස ප්‍රකාශිත ඡන්ද ප්‍රතිශත වාර්තා වී තිබේ.