මීට වසර 40කට පෙර අනු­රා­ධ­පුර මහ නගර සභාවේ නාග­රික කොම­සා­රිස් ධූරය දැරූ තමා නිල නිව­සින් නෙරපාහැරී­මට අනු­රා­ධ­පුර වත්මන් නාග­රික කොම­සා­රි­ස්ව­රයා නිකුත් කර ඇති නෙරපා හැරීමේ නියෝ­ගය අභි­යෝ­ග­යට ලක්කර­මින් අනු­රා­ධ­පුර මහ නගර සභාවේ හිටපු නාග­රික කොම­සා­රිස් පිය­සේන කරු­ණා­රත්න යන අය මහා­ධි­ක­ර­ණය හමුවේ පවරා ඇති පෙත්සම ලබන ජූනි මස 7 දින අනු­රා­ධ­පුර අංක 3 මහා­ධි­ක­ර­ණයේ විනි­සුරු චින්තක ගුණ­සේ­කර ඉදි­රියේ යළි කැඳ­වී­මට අනු­ර­ධ­පුර අංක 2 මහා­ධි­ක­ර­ණයේ විනි­සුරු ලක්මාලි හේවා­ව­සම් නියෝග කළාය.

මහා­ධි­ක­රණ විනි­සු­රු­ව­රිය මෙසේ නියෝග කළේ, අනු­රා­ධ­පුර මහ නගර සභාවේ හිටපු නාග­රික කොම­සා­රි­ස්ව­ර­යකු වන පිය­සේන කරු­ණා­රත්න නාග­රික කොම­සා­රිස් ධූරය හෙබවූ කාලයේ පදිං­විව සිටි නිල නිව­සින් නෙරපාහැරී­මට අනු­රා­ධ­පුර වත්මන් නාග­රික කොම­ස­රිස් රුවන් විජේ­සිංහ නිකුත් කර ඇති නොතීසි නියෝ­ගය අභි­යෝ­ග­යට ලක්කර­මින් අනු­රා­ධ­පුර මහ­ධි­ක­ර­ණය හමුවේ ගොනුකර ඇති රීට් පෙත්ස­මක් යළි කැඳවූ අව­ස්ථා­වේ­දීය.

හිටපු නාග­රික කොම­සා­රිස් පිය­සේන කරු­ණා­රත්න පදිංවි සිටි නිල නිව­සින් ඉවත් කිරීම සඳහා අනු­රා­ධ­පුර වත්මන් නාග­රික කොම­සා­රිස් රුවන් විජේ­සිංහ පළාත් පාලන ආය­ත­න­වල නිල නිවාස සන්ත­කය ආපසු ගැනීමේ පනත ප්‍රකා­රව නෙරපා හැරීමේ නොතී­සි­යක් මීට පෙර නිකුත් කළේය.

පසුව එකී නෙර­පීමේ නියෝ­ගය අභි­යෝ­ග­යට ලක්කර­මින් එම නියෝ­ගය බල රහිත කරන ලෙස ඉල්ලා හිටපු නාග­රික කොම­සා­රිස් පිය­සේන කරු­ණ­රත්න අනු­රා­ධ­පුර මහා­ධි­ක­ර­ණය හමුවේ මෙම පෙත්සම ගොනු කර ඇත.

මෙම පෙත්සම කැඳවූ අව­ස්ථාවේ අනු­රා­ධ­පුර වත්මන් නාග­රික කොම­සා­රි­ස්ව­රයා සහ අනු­රා­ධ­පුර මහ නගර සභාව වෙනු­වෙන් අධි­ක­ර­ණ­යට කරුණු දක්ව­මින් ජ්‍යෙෂ්ඨ නීතිඥ දර්ශන කුරුප්පු පැව­සුවේ අනු­රා­ධ­පුර හිටපු නාග­රික කොම­සා­රිස් (පිය­සේන කරු­ණා­රත්න) ඇතුළු තවත් පෙත්ස­ම්ක­රු­වන් කිහිපදෙනකු ඔවුන් පදිං­චිව සිටි නිල නිවා­ස­වල පරම සන්ත­කය ඔවුන්ට පව­රන ලෙස ඉල්ලා ශ්‍රේෂ්ඨා­ධි­ක­ර­ණය හමුවේ ගොනුකළ මූලික අයි­ති­වා­සි­කම් පෙත්ස­මක් මීට පෙර ශ්‍රේෂ්ඨා­ධි­ක­ර­ණය ප්‍රති­ක්ෂේප කර ඇති බවයි.

එමෙන්ම අනු­රා­ධ­පුර නග­රා­ධි­ප­ති­ව­රයා සහ නාග­රික කොම­සා­රි­ස්ව­රයා අධි­ක­ර­ණ­යට අප­හාස කර ඇති බව පව­ස­මින් හිටපු නාග­රික කොම­සා­රිස් පිය­සේන කරු­ණා­රත්න යන අය අභි­යා­ච­නා­ධි­ක­ර­ණය හමුවේ ගොනුකළ නඩු­වක්ද අභි­යා­ච­නා­ධි­ක­ර­ණය විසින් ප්‍රති­ක්ෂේප කර ඇති බව ද කුරුප්පු අධි­ක­ර­ණ­යට අව­ධා­ර­ණය කළේය.

මීට වසර 40කට පෙර අනු­රා­ධ­පුර නාග­රික කොම­සා­රිස් ධූරය දැරූ පිය­සේන කරු­ණා­නා­රත්න යන අය සිය ධූරයේ බලය භාවිත කර­මින් ඔහු පදිං­චිව සිටි නිල නිව­සට අයි­ති­වා­සි­කම් පෑමට හැකි වන පරිදි ලිපි ලේඛන සකසා ඇති බව­ටද නීති­ඥ­ව­රයා චෝදනා කළේය.(දිනමිණ)