පාර්ලිමේන්තුව රුපියල් කෝටි 07ක විදුලි බිලක් ගෙවීමට පැහැරහැර ඇතැයි ජනමාධ්‍ය සහ පුවත්පත් වාර්තා කර තිබුණද, තමා සොයාබැලූ ආකාරයට පාර්ලිමේන්තුවේ විදුලි බිල සෑම මසකම අඛණ්ඩව ගෙවා ඇති බව විදුලිබල හා බල­ශක්ති ඇමැති කංචන විජේ­සේ­කර පාර්ලිමේන්තුවේදී පැවැසීය.

එමෙන්ම මේ වනවිට පාර්ලිමේන්තුව සහ ජනාධිපති ලේකම් කාර්යාලය විදුලි බිල සඳහාද කිසිඳු හිඟ මුදලක් නොමැති බව ද ඇමැතිවරයා සඳහන් කළේය.

පාර්ලිමේන්තුවේ සියලුදෙනාට අගෞරවයක්වන ආකාරයට එවැනි ප්‍රකාශයක් සිදුකළ රන්ජන් ජයලාල් නමැත්තා පාර්ලිමේන්තුවේ වරප්‍රසාද කමිටුවට කැඳවා ඒ පිළිබඳව නීතිමය වශයෙන් කටයුතු කරන මෙන් කථානායක මහින්ද යාපා අබේවර්ධනගෙන් ඇමැතිවරයා වැඩිදුරටත් ඉල්ලා සිටියේය.