ඉන්දියාව විසින් ‘අග්නි-4’ (Agni-4) බැලැස්ටික් මිසයිලය ඔඩිෂා හි චන්දිපූර් අභ්‍යන්තර පරීක්ෂණ මධ්‍යස්ථානයේ සිට සාර්ථකව අත්හදා බලා තිබේ.

ඉන්දීය උපායමාර්ගික බලකාය විසින් මෙම මිසයිල අත්හදා බැලීම සිදුකර ඇත.

“අගෝස්තු 6 වැනිදා ඔඩිෂා හි චන්දිපූර් පරීක්ෂණ පරාසයේ සිට ‘අග්නි-4’ මධ්‍යම පරාසයේ බැලැස්ටික් මිසයිලය සාර්ථකව අත්හදා බලන ලදී,” යනුවෙන් ඉන්දීය ආරක්ෂක අමාත්‍යාංශය ප්‍රකාශ කළේය.

“මෙම අත්හදා බැලීම මගින් මිසයිලයේ සියලුම මෙහෙයුම් සහ තාක්ෂණික පරාමිතීන් සාර්ථකව තහවුරු කරගන්නා ලදී. මෙම පරීක්ෂණය සිදුකරන ලද්දේ උපායමාර්ගික බලකා කොමාන්ඩුවේ මෙහෙයවීම යටතේය,” යනුවෙන්ද ආරක්ෂක අමාත්‍යාංශය වැඩිදුරටත් පැවසීය.