දිඹුල පතන පොලිස් වසමට අයත් කොටගල ස්ටොනික්ලිප් වතුයායේ තේ කර්මාන්ත ශාලාව ආසන්නයේ දඩයම්කරුවකු විසින් අටවා තිබූ මද්දකට හසුව සිටි කඳුකර කොටියකු මුදාගැනීමට හැකි වී තිබේ.

නුවරඑළිය වනජීවී කාර්යාලයේ නිලධාරීන් සහ රන්දෙණිගල පශු වෛද්‍ය රෝහලේ පශු වෛද්‍ය අකලංක පිණිදිය ඇතුළු කණ්ඩායම ඊයේ (06) අලුයම මෙම ක්‍රියාන්විතය සිදුකර ඇත.

මද්දට හසුව සිටි එම කඳුකර කොටියා හොඳින් වැඩුණු කඳුකර කොටියකු වන බවත් සත්වයා ආරක්ෂිතව මුදාගත් බවත් නිලධාරීහු පැවසූහ.