ශ්‍රී ලංකා රේගු විමර්ශනයක් අතරතුරදී හදිසියේ ඇති වූ හෘද රෝගී තත්ත්වයක් හේතුවෙන් කොළඹ ජාතික රෝහලේ ප්‍රතිකාර ලබමින් සිටි හවුස් ඔෆ් ෆැෂන්ස් ව්‍යාපාරයේ හිමිකරු ප්‍රීති ජයවර්ධන රක්ෂිත බන්ධනාගාරගත කර තිබේ.

ශ්‍රී ලංකා රේගු මාධ්‍ය ප්‍රකාශක චන්දන පුංචිහේවා ජනමාධ්‍ය වෙත තහවුරු කළේ, රේගු නිලධාරීන් භාරයේ සිටියදී ප්‍රීති ජයවර්ධනට මෙම රෝගී තත්ත්වය මතු වූ බවත්, පසුව ඔහුව රෝහල්ගත කළ බවත්ය.

ඔහු වැඩිදුරටත් ප්‍රකාශ කර ඇත්තේ, කොළඹ ප්‍රධාන මහේස්ත්‍රාත්වරයා පසුව රෝහල වෙත පැමිණ සැකකරු නිරීක්ෂණය කිරීමෙන් අනතුරුව ඔහුව රක්ෂිත බන්ධනාගාරගත කිරීමට නියෝග කළ බවයි.

චන්දන පුංචිහේවාට අනුව, මෙම විමර්ශනය රේගු තක්සේරු කිරීම් සම්බන්ධ ගැටලුවක් මත සිදුවූවකි.