බොරැල්ල පොලිස් ස්ථානයේ නඩු භාණ්ඩවලින් රුපියල් 500 ක මුදලක් සොරකම් කිරීම සම්බන්ධයෙන් කොළඹ දකුණ කොට්ඨාශ අපරාධ පරීක්ෂණ දෙපාර්තමේන්තුව විශ්‍රාමික පොලිස් පරීක්ෂකවරයකු අත්අඩංගුවට ගෙන ඇති බව වාර්තා වේ.

වාර්තාවන්ට අනුව, 2023 දී සිදුකරන ලද විගණනයකින් බොරැල්ල පොලිස් ස්ථානයේ නඩු භාණ්ඩ කාමරයේ ගබඩා කර තිබූ නඩු භාණ්ඩ 57ක් අතුරුදහන් වී ඇති බව අනාවරණය වී තිබේ.

සැකකරු සමන්තුරෙයි පොලිස් ස්ථානයේ සේවය කරමින් සිටියදී දින 51කට පෙර විශ්‍රාම ගොස් ඇති බව පොලිසිය පවසයි.

මීට පෙර, එම සොරකමටම අදාළව, බොරැල්ල පොලිස් ස්ථානයේ සේවය කළ පොලිස් පරීක්ෂකවරයකු, උප පොලිස් පරීක්ෂකවරයකු සහ පොලිස් සැරයන්වරුන් තිදෙනෙකු අත්අඩංගුවට ගෙන අධිකරණයට ඉදිරිපත් කර තිබිණි.