ෆ්ලොරිඩාවේ පාම් බීච් හි පිහිටි ජනාධිපති ඩොනල්ඩ් ට්‍රම්ප්ගේ නිවාඩු නිකේතනය වන මාර්-ඒ-ලාගෝ හි ආරක්ෂිත පරිමිතියට සන්නද්ධ පුද්ගලයකු ඇතුළු වූ බව එක්සත් ජනපද රහස් සේවයේ ප්‍රකාශකයා පවසා තිබේ.

තවත් වාහනයක් පිටතට යමින් සිටියදී ඉරිදා අලුයම ආරක්ෂක අංශ විසින් වෙඩි තබා තිබූ අතර එහිදී පුද්ගලයකු මියගොස් ඇත.

උතුරු කැරොලිනාවේ සිට පැමිණි වයස අවුරුදු 20 ගණන්වල පසුවන මෙම පුද්ගලයා සතුව ගෑස් කෑන් එකක් සහ තුවක්කුවක් තිබූ බව එක්සත් ජනපද රහස් සේවයේ ප්‍රකාශක ඇන්තනි ගුග්ලියෙල්මි පැවසීය.

දින කිහිපයකට පෙර ඔහුගේ පවුලේ අය විසින් ඔහු අතුරුදහන් වී ඇති බවට වාර්තා කර තිබී ඇත.

අලුයම 1:30ට පමණ සිදු වූ සිද්ධියෙන් පසු එම පුද්ගලයාගේ වාහනයේ තිබී ආයුධය සඳහා වූ පෙට්ටියක් සොයා ගත් බව ගුග්ලියෙල්මි පැවසීය.

මියගිය පුද්ගලයා 21 හැවිරිදි ඔස්ටින් ටකර් මාටින් ලෙස විමර්ශකයන් විසින් හඳුනාගෙන ඇත.

ට්‍රම්ප්ගේ ජීවිතයට මීට පෙර ද තර්ජන එල්ල වී ඇති අතර, 2024 මැතිවරණ ප්‍රචාරක ව්‍යාපාරය අතරතුර ඝාතන උත්සාහයන් දෙකක් ක්‍රියාත්මක විය.

ජනාධිපතිවරයා බොහෝ විට සති අන්තයේ ඔහුගේ නිවාඩු නිකේතනයේ ගත කළද, මාර්-ඒ-ලාගෝ හි කඩාවැදීම සිදුවන අවස්ථාවේ විට ඔහු සහ ජනාධිපති ආර්යා මෙලනියා ට්‍රම්ප් ධවල මන්දිරයේ සිට තිබේ.

නිවාඩු නිකේතනයේ උතුරු දොරටුව අසලට ඇතුළු මෙම පුද්ගලයා රහස් සේවා නියෝජිතයන් දෙදෙනෙකුට සහ පාම් බීච් ප්‍රාන්ත ෂෙරිෆ් කාර්යාලයේ නියෝජ්‍ය නිලධාරියකුට හමුවී තිබේ.

“ඔහු සතුව තිබූ එම උපකරණ දෙක බිම හෙළීමට නියෝග කළා. එම අවස්ථාවේදී ඔහු ගෑස් කෑන් එක බිම තබා, තුවක්කුව වෙඩි තැබීම සඳහා එසවූවා,” බ්‍රැඩ්ෂෝ කෙටි මාධ්‍ය හමුවකදී පැවසීය.

නියෝජිතයින් දෙදෙනා සහ නියෝජ්‍ය නිලධාරියා එම තර්ජනය උදාසීන කිරීම සඳහා ඔවුන්ගේ ආයුධවලින් වෙඩි තැබූ බව ද ඔහු ප්‍රකාශ කළේය.

FBI ආයතනය මාර්-ඒ-ලාගෝ අසල ජීවත් වන පදිංචිකරුවන්ගෙන් ඉල්ලා සිටියේ විමර්ශකයින්ට උපකාර විය හැකි දර්ශන සඳහා ඔවුන් සතුව ඇති ඕනෑම ආරක්ෂක කැමරාවක් පරීක්ෂා කරන ලෙසය.