මහ බැංකුව රටේ විදෙස් සංචිත කළමනාකරණය කරන ආකාරය ගැටලු සහගත බව එක්සත් ජාතික පක්ෂයේ හිටපු නියෝජ්‍ය නායක පාර්ලිමේන්තු මන්ත්‍රී රවී කරුණානායක අදහස් පළ කළේය.

ඒ සම්බන්ධයෙන් ජනමාධ්‍ය හමුවකදී අදහස් දක්වමින් මන්ත්‍රීවරයා පැවසුවේ මෙරට පවතින විදෙස් සංචිතවල සැබෑ තත්වය සම්බන්ධයෙන් මහ බැංකුව පැහැදිළි කළ යුතු බවයි.

විශේෂයෙන්ම අන්තර්ජාතික මූල්‍ය අරමුදලේ ණය වැඩසටහනේ නිර්දේශවලට අනුකූලව සංචිත කළමනාකරණය කරන්නේ ද යන්න අපැහැදිලි බව ද මන්ත්‍රීවරයා පැවසුවේය.

එමෙන්ම ඔහු පෙන්වා දුන්නේ මෙම තත්වය මෙරට අනාගත විදෙස් ණය ගෙවීමේ ක්‍රියාවලියට අතිශය වැදගත් බවයි.