March 16, 2026
දෙවුන්දරට දකුණින් පිහිටි මුහුදු ප්රදේශයේදී අත්අඩංගුවට ගත් බහුදින ධීවර යාත්රාවක් හෙරොයින් කිලෝග්රෑම් 123 කට ආසන්න ප්රමාණයක් රැගෙන යමින් සිටි බවත්, එහි ඇස්තමේන්තුගත වීදි වටිනාකම රුපියල් බිලියන 3 කට ආසන්න බවත් ආරක්ෂක නියෝජ්ය අමාත්ය අරුණ ජයසේකර පැවසීය.
මෙම යාත්රාව අද (මාර්තු 16) උදෑසන දික්ඕවිට වරායට ගෙන එන ලද අතර, එහිදී ශ්රී ලංකා පොලිස් මත්ද්රව්ය කාර්යාංශය පරීක්ෂණ සිදුකර අත්අඩංගුවට ගත් ද්රව්ය හෙරොයින් බව තහවුරු කළේය.
නිලධාරීන්ට අනුව, ශ්රී ලංකා නාවික හමුදාව ඊයේ (මාර්තු 15) දෙවුන්දරට දකුණින් පිහිටි මුහුදේදී මෙම බහුදින ධීවර යාත්රාව අත්අඩංගුවට ගත්තේය.
වැටළීමේදී නාවික නිලධාරීහු බෝට්ටුවෙන් මත්ද්රව්ය බෑග් හයක් සොයාගෙන තිබේ.
යාත්රාවේ සිටි සැකකරුවන් පස්දෙනෙකු මුලින් නාවික හමුදාව විසින් රඳවා ගනු ලැබ ඇති අතර, පසුව යාත්රාව දික්ඕවිට වරායට පැමිණීමෙන් පසු පොලිස් මත්ද්රව්ය කාර්යාංශය විසින් විධිමත් ලෙස ඔවුන්ව අත්අඩංගුවට ගෙන තිබේ.
මේ අතර, බේරුවලට ඔබ්බෙන් වූ මුහුදේදී මත්ද්රව්ය ප්රවාහනය කළ බවට සැකකෙරෙන තවත් බහුදින ධීවර යාත්රාවක් නාවික හමුදාව විසින් අත්අඩංගුවට ගෙන ඇති බව නියෝජ්ය අමාත්ය අරුණ ජයසේකර හෙළි කළේය.
මේ වන විට යාත්රාව වෙරළට රැගෙන එමින් පවතින අතර, එහි ඇති මත්ද්රව්ය ප්රමාණය බලධාරීන් තවමත් තහවුරු කර නොමැත.
පරීක්ෂණ අවසන් වූ පසු වැඩිදුර තොරතුරු නිකුත් කරන බව ඔහු පැවසීය.
