ජා-ඇල ප්‍රදේශයේදී රුපියල් මිලියන 2 කට වාලම්පුරියක් (දුර්ලභ හක්ගෙඩියක්) විකිණීමට උත්සාහ කරමින් සිටියදී වයස අවුරුදු 20 ක සැකකරුවකු අත්අඩංගුවට ගෙන තිබේ.

ලැබුණු තොරතුරක් මත ජා-ඇල පොලිස් කොට්ඨාශයේ නිලධාරීන් විසින් ජුනි 2 වන දින මෙම අත්අඩංගුවට ගැනීම සිදු කරන ලදී.

ජා-ඇල නගරයේ සිදුකරන ලද පොලිස් වැටළීමකදී සපුගස්කන්ද ප්‍රදේශයේ පදිංචි සැකකරු අත්අඩංගුවට ගෙන තිබේ.

සාක්ෂි ලෙස වාලම්පුරිය අත්අඩංගුවට ගෙන ඇත.

ජා-ඇල පොලිසිය විසින් වැඩිදුර පරීක්ෂණ සිදු කරනු ලැබේ.