ප්‍රමාදයන් රැසකට මුහුණ දීමෙන් අනතුරුව, තමිල්නාඩු මහඇමති විජේ රංගනයෙන් දායක වන අවසන් සිනමාපටය වන ‘ජන නායගන්’ චිත්‍රපටය සඳහා ඉන්දීය චිත්‍රපට වාරණ මණ්ඩලයේ අනුමැතිය හිමිව තිබේ.

රසිකයින් දැඩි උනන්දුවකින් බලා සිටි මෙම නිර්මාණය සඳහා වාරණ මණ්ඩලය විසින් ‘A’ (වැඩිහිටියන්ට පමණයි) සහතිකයක් නිකුත් කර ඇත.

පළමුව 2026 ජනවාරි මාසයේදී තිරගත වීමට නියමිතව තිබුණද, අනපේක්ෂිත බාධා කිහිපයක් හේතුවෙන් මෙහි ප්‍රදර්ශනය අවස්ථා කිහිපයකදීම කල් දැමීමට සිදුවිය.

දැන් මේ සඳහා වාරණ සහතිකය ලැබී තිබුණද, ඊට පෙර චිත්‍රපටයේ කැපී පෙනෙන වෙනස්කම් කිහිපයක් සිදු කිරීමට නිෂ්පාදකයින්ට සිදුව ඇති බව වාර්තා වේ. ඒ අතුරින් වඩාත්ම කතාබහට ලක්ව ඇත්තේ ‘TVK’ යන දේශපාලන කෙටි නාමය ඇතුළත් දර්ශන ඉවත් කිරීමට සිදුවීමයි.

‘ජන නායගන්’ චිත්‍රපටයේ විජයි නිරූපණය කරන චරිතයේ නම ‘තලපති වෙට්රි කොන්ඩන්’ (Thalapathy Vetri Kondan) වන අතර, එහි මුල් අකුරු එකතු වූ විට ‘TVK’ ලෙස කියවේ.

දෛවෝපගත ලෙස විජේ විසින් දේශපාලනයට පිවිසෙමින් ආරම්භ කරන ලද ‘තමිලග වෙට්රි කසාගම්’ පක්ෂයේ කෙටි නාමය වන්නේද ‘TVK’ යන්නයි.

India Today පුවත් සේවයට අනුව තිර කාලයට හානියක් නොවන පරිදි, එම ‘TVK’ යන වචනය දෘශ්‍ය මෙන්ම ශ්‍රව්‍ය පටවලින්ද මුළුමනින්ම ඉවත් කර වෙනස් කර තිබේ.

මීට අමතරව, වාරණ මණ්ඩල සටහන්වලට අනුව තවත් සංස්කරණයන් කිහිපයක්ම සිදුකර ඇත.