චීනයේ ශ්‍රම වෙළඳපොළේ ඇති වී තිබෙන අනපේක්ෂිත පසුබෑම, වෘත්තීය ජීවිතය ආරම්භ කළ තරුණ සේවකයන් කෙරෙහිද බලපා තිබේ.

ඉරානයේ පවතින යුදමය වාතාවරණයෙන් එල්ල වූ බලපෑම් සහ කෘතිම බුද්ධිය (AI) භාවිතය පුළුල් වීම හේතුවෙන් රැකියා අහිමි වීමේ අවදානම ඉහළ යාම මෙයට ප්‍රධාන හේතු වී ඇත.

මේ සතියේ නිකුත් වූ නිල සංඛ්‍යාලේඛනවලට අනුව, මාර්තු මාසයේදී වයස අවුරුදු 25 ත් 29 ත් අතර තරුණයන්ගේ විරැකියා අනුපාතය 7.7% දක්වා ඉහළ ගොස් තිබේ.

මෙය වසරකට පෙර පැවති 7.2% ට සාපේක්ෂව වැඩි වීමක් වන අතර, මීට වසර දෙකකට පෙර ජාතික සංඛ්‍යාලේඛන කාර්යාංශය දත්ත වර්ගීකරණය සංශෝධනය කිරීමෙන් පසු වාර්තා වූ ඉහළම අගය ද වෙයි.

මිලියන 700 කට අධික ලොව විශාලතම ශ්‍රම බලකාය හිමි චීනය තුළ පවතින මෙම තත්ත්වය, එරට ආර්ථිකයේ පවතින දැඩි පීඩනය පෙන්නුම් කරයි.

සාමාන්‍යයෙන් චීන අලුත් අවුරුදු සමයේදී රැකියා සඳහා ඇති පීඩනය වැඩි වන අතර, මෙවර නිවාඩු කාලය ප්‍රමාද වී යෙදීම මාර්තු මාසයේ දත්ත කෙරෙහි බලපෑම් කරන්නට ඇතත්, අනෙකුත් සාධක ද මේ සඳහා වැඩි වශයෙන් බලපාමින් තිබේ.”