September 15, 2026
එක්සත් අරාබි එමීර් රාජ්යය සහ ඉන්දියාව අතර ආරක්ෂක සහ කාර්මික සහයෝගිතාව තවදුරටත් ශක්තිමත් කිරීමේ සහ දෙරටේ සමාගම් අතර නව සම්බන්ධතා ගොඩනැගීමේ අරමුණින් සංවිධානය කරන ලද “එක්සත් අරාබි එමීර් රාජ්යය – ඉන්දියා ආරක්ෂක කර්මාන්ත සමුළුව” අබුඩාබි හිදී ආරම්භ විය.
ආරක්ෂක සහ කාර්මික ක්ෂේත්රයන්හි පවතින උපායමාර්ගික සබඳතා වර්ධනය කරගැනීම සහ දෙරටටම පොදු වූ ක්ෂේත්රයන් පිළිබඳ සාකච්ඡා ඉදිරියට ගෙනයාම සඳහා මෙම සමුළුව මගින් විශේෂ වේදිකාවක් සපයයි.
මෙය ‘තවාසුන් ආරක්ෂක සක්රීය කිරීමේ කවුන්සිලය’ , එක්සත් අරාබි එමීර් රාජ්යයේ ඉන්දීය තානාපති කාර්යාලය සහ ‘ඉන්දීය ආරක්ෂක නිෂ්පාදකයින්ගේ සංගමය’ එක්ව සංවිධානය කර ඇත.
මෙම අවස්ථාව සඳහා තවාසුන් ආරක්ෂක සක්රීය කිරීමේ කවුන්සිලයේ මහලේකම් ආචාර්ය නසාර් හුමයිඩ් අල් නුඅයිමි, එක්සත් අරාබි එමීර් රාජ්යයේ ඉන්දීය තානාපති ආචාර්ය දීපක් මිට්ටල් සහ SIDM නියෝජිත පිරිසේ නායක මෙන්ම ‘සෙන් ටෙක්නොලොජීස්’ හි උප සභාපති (අපනයන) එයාර් වයිස් මාර්ෂල් අර්වින්ද් ඇතුළු රාජ්ය නිලධාරීන් එක්ව සිටියහ.
තවද එක්සත් අරාබි එමීර් රාජ්යයේ ආරක්ෂක අමාත්යාංශය, ඉන්දීය තානාපති කාර්යාලය, EDGE Group සහ දෙරටේ ප්රමුඛ පෙළේ ආරක්ෂක නිෂ්පාදන සමාගම්වල ජ්යෙෂ්ඨ නියෝජිතයෝ රැසක් ද මීට සහභාගී වූහ.
මෙම සමුළුව පැවැත්වීම තුළින් එක්සත් අරාබි එමීර් රාජ්යය සහ ඉන්දියාව අතර පවතින ගැඹුරු උපායමාර්ගික සබඳතා මනාව පිළිඹිබු වන අතර, දෙරටේම කාර්මික හා තාක්ෂණික ක්ෂේත්රයන්හි නිෂ්පාදන ධාරිතාව ඉහළ නංවන අයුරින් ආරක්ෂක සහ කාර්මික සහයෝගිතාව තවදුරටත් පුළුල් කිරීමට දෙපාර්ශ්වයේම ඇති කැපවීම මින් පෙන්නුම් කෙරේ.
