මැගසින් බන්ධනාගාරයේ රැඳවියෙකුගේ මරණය සම්බන්ධයෙන් බන්ධනාගාර නිලධාරීන් ඇතුළු සැකකරුවන් පස්දෙනකු අත්අඩංගුවට ගෙන ඇති බව පොලිසිය පවසයි.

මෙම සිදුවීම සඳුදා (27) බොරැල්ල මැගසින් බන්ධනාගාර පරිශ්‍රය තුළ සිදු වූ අතර, ඒ සම්බන්ධයෙන් බොරැල්ල පොලිසිය සහ කොළඹ දකුණ අපරාධ කොට්ඨාශය විසින් පරීක්ෂණයක් ආරම්භ කරන ලදී.

ජේලර්වරයෙකු සහ බන්ධනාගාර නියාමකයන් දෙදෙනෙකු ඇතුළු සැකකරුවන් තිදෙනෙකු මුලින් අත්අඩංගුවට ගෙන අඟහරුවාදා (28) අධිකරණයට ඉදිරිපත් කරන ලද අතර, පසුව ඔවුන් මැයි 06 වැනි දින දක්වා රක්ෂිත බන්ධනාගාරගත කරන ලදී.

පසුව පොලිසිය විසින් එදිනම තවත් අතිරේක බන්ධනාගාර නියාමකයින් දෙදෙනකු අත්අඩංගුවට ගැනිණි.

බොරැල්ල පොලිසිය, කොළඹ අපරාධ කොට්ඨාශය සහ කොළඹ දකුණ අපරාධ කොට්ඨාශය පරීක්ෂණ පවත්වයි.