ඉරාන උත්තරීතර නායක අයතුල්ලා අලි කමේනි එක්සත් ජනපද-ඊශ්‍රායල ඒකාබද්ධ ප්‍රහාරවලින් මියගිය බව එක්සත් ජනපද ජනාධිපති ඩොනල්ඩ් ට්‍රම්ප් සහ ඊශ්‍රායල නිලධාරීහු ප්‍රකාශ කරති. කෙසේවෙතත් ඉරාන බලධාරීන් එම වාර්තා කඩිනමින් ප්‍රතික්ෂේප කර ඇත.

ගුවන් ප්‍රහාරවල ඉලක්ක කරගත් ජ්‍යෙෂ්ඨ ඉරාන පුද්ගලයන් අතර කමේනි ද සිටින බව ට්‍රම්ප් පැවසූ අතර, මෙහෙයුම ඉරානයේ නායකත්වයට එල්ල වූ ප්‍රධාන පහරක් ලෙස සඳහන් කළේය. ඉරාන උත්තරීතර නායකයා ඉවත් කර ඇති බව පවසමින් ඊශ්‍රායල නිලධාරීහුද එම ප්‍රකාශය නැවත සඳහන් කළහ.

අර්ධ නිල ඉරාන ජනමාධ්‍ය ආයතන වාර්තා කළේ කමේනි ජීවතුන් අතර සිටින බවත්, ඔහු තවදුරටත් රටට නායකත්වය ලබාදීම “ස්ථිර” බවත්ය. උත්සන්න වන සතුරුකම් මධ්‍යයේ වොෂින්ටනය සහ ටෙල් අවිව් වැරදි තොරතුරු පතුරුවා හැරීම සම්බන්ධයෙන් ඉරාන බලධාරීහු චෝදනා කළහ.

86 හැවිරිදි කමෙයිනි 1989 සිට ඉරානයේ උත්තරීතර නායකයා ලෙස කටයුතු කර ඇති අතර, රටේ දේශපාලන හා මිලිටරි තීරණ කෙරෙහි අවසාන අධිකාරිය දරයි.