June 10, 2025
ජනතා විමුක්ති පෙරමුණේ ප්රධාන ලේකම් ටිල්වින් සිල්වා සහ චීනයේ ජජියාන් පළාතේ ආණ්ඩුකාර ලියු ජියේ අතර හමුවක් ඊයේ (09) එම පළාත් ප්රධාන මහජන රුස්වීම් ශාලාවේදි පැවැත්විණි.
ඒ් චීන කොමියුනිස් පක්ෂයේ ආරාධනයක් අනුව ජනතා විමුක්ති පෙරමුණේ ප්රධාන ලේකම් ටිල්වින් සිල්වා සහෝදරයා ඇතුළු පිරිසක් මේ දිනවල එරට සංචාරයක නිතරව සිටින අතරතුරය.
එම හමුවේදී ශ්රී ලංකාව සහ චීනය අතරත් ජනතා විමුක්ති පෙරමුණ සහ චීන කොමියුනිස්ට් පක්ෂය අතරත් පවතින දිගුකාලීන මිත්රත්වය පිළිබඳව විශේෂයෙන් සකචිඡාවට බදුන්ව තිබේ.
ශ්රී ලංකාවේ ආර්ථිකය ශක්තිමත් කිරීමට චිනයෙන් මෙන්ම ජජියාන් පළාතෙන් ලබාදීය හැකි ඉදිරි දායකත්වය පිළිබඳවත් මෙහිදී වැඩිදුරටත් සාකච්ඡාවට ලක්ව ඇත.
ශ්රී ලංකාවේ පැවති දූෂිත පාලනය තන්ත්රය අවසන් කර ජනතා විමුක්ති පෙරමුණේ මූලිකත්වයෙන් පිහිටුවා ඇති ජාතික ජන බලවේග ආණ්ඩුව විසින් රට ආර්ථිකය සංවර්ධනය වේගයෙන් ඉදිරියට ගැනීමේ සැලසුමක් සහිතව ගමන් කරමින් සිටින බවත් මෙහිදී ජනතා විමුක්ති පෙරමුණේ ප්රධාන ලේකම් ටිල්වින් සිල්වා අවධාරණය කර තිබේ.
එම ගමනේදී චීනයේ මෙන්ම ජජියාන් පළාතේ සහායද වර්ථමාන චීනය දක්වා පැමිණි ගමනේදී චීන කොමියුනිස්ට් පක්ෂය ලද අත්දැකීම් ලබාගැනීමට බලාපොරොත්තු වන බවත් මෙහිදී ප්රධාන ලේකම්වරයා සඳහන් කර ඇත.
මෙම හමුව සඳහා තරුණ කටයුතු නියෝජ්ය ඇමති එරංග ගුණසේකර, නියොජ්ය ඇමති මුනීර් මුලෆ්ෆර්, යාපනය දිස්ත්රික් පාර්ලිමේන්තු මන්ත්රී ඒ් .එම්. ජෙගදීශ්වරන්, මාතලේ දිස්ත්රික් පාර්ලිමේන්තු මන්ත්රීනි දීප්ති වාසලගේ, ගම්පහ දිස්ත්රික් පාර්ලිමේන්තු මන්ත්රී ධර්මප්රිය විජේසිංහ ඇතුළු පිරිසක් සහභාගී වී ඇත.
