January 22, 2025
හම්බන්තොට රිදියගම සෆාරි උද්‍යානය මහජනතාවට අලුත උපන් සිංහ පැටවුන් හයදෙනකුට නම් තැබීමට අවස්ථාවක් ලබා දී ඇත.
උද්‍යානයේ කළමනාකාරිත්වයට අනුව, ඩෝරා සහ ලාරා යන සිංහ ධේනුවන් පසුගිය මාසයේ පැටවුන් තිදෙනෙකු බැගින් බිහිකර ඇත.
ඩෝරා ගැහැණු පැටවුන් තිදෙනෙකු බිහිකර ඇති අතර, ලාරා ගැහැණු පැටවුන් දෙදෙනකු සහ පිරිමි පැටවකු බිහිකර ඇත.
මාස තුනකට ආසන්න වයසැති සිංහ පැටවුන් පෙබරවාරි මාසයේදී මහජන ප්‍රදර්ශනය සඳහා තැබීමට සූදානම් වෙමින් පවතී.
ඒ අනුව, රිදියගම සෆාරි උද්‍යානයේ කළමනාකාරිත්වය නිවේදනය කර ඇත්තේ මහජනතාවට සිංහ පැටවුන් නම් තැබීමට අවසර දෙන බවයි.
