දිට්වා සුළි කුණාටුවෙන් පසු හදිසි නීති රෙගුලාසි පැනවීමට ජනාධිපති අනුර කුමාර දිසානායක ගත් තීරණය අභියෝගයට ලක්කරමින් ගොනුකරන ලද මූලික අයිතිවාසිකම් පෙත්සම් දෙකක් අද ශ්‍රේෂ්ඨාධිකරණය විසින් ප්‍රතික්ෂේප කරන ලදී.

මෙම පෙත්සම් අගවිනිසුරු ප්‍රීති පද්මන් සූරසේන, විනිසුරු කුමුදිනී වික්‍රමසිංහ සහ විනිසුරු අර්ජුන ඔබේසේකර යන ත්‍රිපුද්ගල ශ්‍රේෂ්ඨාධිකරණ විනිසුරු මඩුල්ලක් ඉදිරියේ කැඳවන ලදී.

ඉදිරිපත් කිරීම් සලකා බැලීමෙන් පසු, ශ්‍රේෂ්ඨාධිකරණය පෙත්සම් ඉදිරියට ගෙනයෑමට අවසර ලබාදීම ප්‍රතික්ෂේප කළ අතර ඒවා ආරම්භයේදීම නිෂ්ප්‍රභ කළේය.

නීතිපතිවරයා වෙනුවෙන් පෙනීසිටි අතිරේක සොලිසිටර් ජෙනරාල් ශනිල් කුලරත්න අධිකරණයට දැනුම්දුන්නේ, රට තුළ හදිසි තත්වයක් අපේක්ෂාවෙන් ජනාධිපතිවරයා විසින් හදිසි නීති රෙගුලාසි ප්‍රකාශයට පත්කර ඇති බවත්, එවැනි හදිසි අවස්ථාවන්හිදී තීරණ ගැනීමට ජනාධිපතිවරයාට ඇති බලය සීමානොකළ යුතු බවත්ය.

නීතිඥ සුරේන් ප්‍රනාන්දු සහ තිෂ්‍ය වේරගොඩ පෙත්සම්කරුවන් වෙනුවෙන් පෙනීසිටියහ.