2027 ආරම්භක ICC කාන්තා චැම්පියන්ස් කුසලාන තරගාවලියේ සත්කාරකත්වය ශ්‍රී ලංකාවට හිමිනොවුණද, ශ්‍රී ලංකා කාන්තා ජාතික ක්‍රිකට් කණ්ඩායම එම තරගාවලිය සඳහා සෘජුවම සුදුසුකම් ලබා ඇති බව ශ්‍රී ලංකා ක්‍රිකට් ආයතනය නිල වශයෙන් තහවුරු කරයි.

තරගාවලිය පැවැත්වෙන ස්ථානය සම්බන්ධයෙන් අන්තර්ජාතික ක්‍රිකට් කවුන්සිලය ගත් තීරණය පිළිබඳව නිවේදනයක් නිකුත් කරමින් ශ්‍රී ලංකා ක්‍රිකට් ආයතනය සඳහන් කළේ, ශ්‍රී ලංකාවට සත්කාරකත්වය අහිමි වුවද පවතින සුදුසුකම් ලැබීමේ ශ්‍රේණිගත කිරීම්වල ඉදිරියෙන් සිටීම හේතුවෙන් ශ්‍රී ලංකා කණ්ඩායම මෙලෙස සුදුසුකම් ලබාගත් බවයි.

මෙම ජයග්‍රහණය අගය කළ ශ්‍රී ලංකා ක්‍රිකට් ආයතනය, ඉදිරි තරගාවලිය වෙනුවෙන් කණ්ඩායමේ පුහුණු වීම් සහ සූදානම්වීම් සඳහා පූර්ණ සහයෝගය ලබාදෙන බවට සහතික විය.

එමෙන්ම, තරගාවලිය සාර්ථකව පැවැත්වීම වෙනුවෙන් අයි.සී.සීය, නව සත්කාරක රට සහ අනෙකුත් පාර්ශවකරුවන් සමඟ සමීපව කටයුතු කරන බව ද පාලක මණ්ඩලය වැඩිදුරටත් පැවසීය.