චීන මහජන සමූහාණ්ඩුවේ රජයේ ආරාධනයෙන්, 2025 කාන්තා ගෝලීය නායකයන්ගේ රැස්වීමට සහභාගී වීම සඳහා නිල සංචාරයක් සඳහා අගමැතිනි ආචාර්ය හරිනි අමරසූරිය අද (ඔක්තෝබර් 12 වන දින_ චීනයේ බීජිං වෙත පැමිණියාය.

ඇය පැමිණි අවස්ථාවේ දී, ජාතික ගුවන් විදුලි හා රූපවාහිනී පරිපාලන අමාත්‍ය කාඕ ෂුමින් විසින් ඇයව පිළිගනු ලැබීය.

පළමු දින වැඩසටහන අතරතුර, අගමැතිනිය තහනම් නගරය සහ චීන මහා ප්‍රාකාරය නැරඹීමට ගියාය.

යුනෙස්කෝ ලෝක උරුම අඩවියක් වන තහනම් නගරය (මාලිගා කෞතුකාගාරය), අධිරාජ්‍ය ගෘහ නිර්මාණ ශිල්පය සහ ජාතික වශයෙන් සංරක්ෂිත එකතු කිරීම් ප්‍රදර්ශනය කරයි.

යුනෙස්කෝ අඩවියක් ද වන චීන මහා ප්‍රාකාරය, චීනයේ ඓතිහාසික දක්ෂතාවය සහ අඛණ්ඩ සංරක්ෂණ උත්සාහයන්හි සංකේතයක් ලෙස පවතී.

ඉදිරි දිනවලදී, අගමැතිනිය 2025 කාන්තාවන් පිළිබඳ ගෝලීය නායකයන්ගේ රැස්වීමට සහභාගී වන අතර, ජනාධිපති ෂී ජින්පින් සහ චීන මහජන සමූහාණ්ඩුවේ රාජ්‍ය කවුන්සිලයේ අග්‍රාමාත්‍ය ලී කියැං ඇතුළු ඉහළ මට්ටමේ නායකයන් සමග ද්විපාර්ශ්වික සකච්ඡා පවත්වනු ඇත.