ඉන්දීය සිනමා නළු සිවකාර්තිකේයන්ගේ 23 වැනි චිත්‍රපටය වන ‘මධරසි’ චිත්‍රපටයේ අවසන් රූගත කිරීම් ශ්‍රී ලංකාවේ දී සිදු කිරීමට නියමිතව තිබේ.

චිත්‍රපට කණ්ඩායම දැනටමත් ශ්‍රී ලංකාව බලා පිටත්ව ගොස් ඇති බව ඉන්දීය මාධ්‍ය වාර්තා කළේය.

එම වාර්තාවට අනුව, සිවකාර්තිකේයන්, රුක්මිණි වසන්ත් සහ විදුලි ජම්වාල් සම්බන්ධ වන චිත්‍රපටයේ උච්චතම අවස්ථාවක රූගත කිරීම් මෙහිදී සිදු කරනු ඇත.

කණ්ඩායම දින 15 සිට 20 දක්වා රූගත කිරීම් සිදු කරනු ඇති බවත් ඒ සමඟ රූගත කිරීම් අවසන් වී ‘මධරසි’ චිත්‍රපටය පසු නිෂ්පාදන අදියරට පිවිසෙනු ඇති බවත් එම වාර්තාවේ දැක්වේ.

AR මුරුගදාස් විසින් අධ්‍යක්ෂණය කරන ලද සහ ශ්‍රී ලක්ෂ්මි චිත්‍රපට විසින් නිෂ්පාදනය කරන ලද මෙම චිත්‍රපටය නිකුත් කිරීමේ දිනය මෙම වසරේ සැප්තැම්බර් 5 වැනි දින ලෙස තීරණය කර තිබේ.

‘මධරසි’ චිත්‍රපටයේ රූගත කිරීම් 2024 පෙබරවාරි මාසයේදී ආරම්භ වූ අතර චෙන්නායි, පුදුචෙරි සහ තූතුකුඩි පුරා රූගත කර ඇත.