අන්තර්ජාතික ක්‍රිකට් ක්‍රීඩාංගනයක් සඳහා වෙන්කරන ලද ඉඩම පසුගියදා ඇතිවූ ගංවතුර සමයේදී ජලයෙන් යටවී ඇති බව ඉලංකෙයි තමිල් අරසු පක්ෂයේ මහලේකම් එම්.ඒ. සුමන්තිරන් ජනමාධ්‍ය වෙත පැවසීය.

“ඉඩම ජලයෙන් යට වූ අතර පරිසර විශේෂඥයින් පවසා ඇත්තේ එම ඉඩම ක්‍රිකට් ක්‍රීඩාංගණයට සුදුසු නොවන බවයි. එබැවින් ව්‍යාපෘතියට විරෝධතා පවතිනවා” ඔහු පැවසීය.

ශ්‍රී ලංකාවේ හත්වැනි අන්තර්ජාතික ක්‍රිකට් ක්‍රීඩාංගනය සඳහා මුල්ගල මෙම වසරේ සැප්තැම්බර් මාසයේදී ජනාධිපති අනුර කුමාර දිසානායක විසින් තබන ලදී.

ක්‍රීඩාංගනය අක්කර 48 ක ඉඩමක ඉදිකිරීමට නියමිතව තිබේ.

එය මීටර් 80 ක සීමාවක් සහිත තණතීරු දහයකින් යුක්ත වනු ඇත.