ඔක්තෝබර් 9 වැනි දින කළුතර, නාගොඩ ප්‍රදේශයේ පිහිටි හෝටලයක් පිටතදී වෙඩි තබා ඝාතනය කරන ලද එහි හිමිකරුගේ භාර්යාවද, බරපතල තත්ත්වයෙන් රෝහල්ගත කර ප්‍රතිකාර ලබමින් සිටියදී මියගොස් ඇත.

මෝටර් රථයකින් පැමිණි හඳුනානොගත් වෙඩික්කරුවන් දෙදෙනකු ඔක්තෝබර් 9 වැනි දින උදෑසන 7.40 ට පමණ ආපන ශාලාවේ හිමිකරුට සහ ඔහුගේ භාර්යාවට පරිශ්‍රයෙන් පිටතදී වෙඩිතබා පළාගොස් තිබිණි.

මෙම වෙඩි තැබීමෙන් ආපන ශාලාවේ හිමිකරු එම ස්ථානයේදීම මියගිය අතර, බරපතල තුවාල ලැබූ ඔහුගේ භාර්යාව නාගොඩ රෝහලේ දැඩි සත්කාර ඒකකයේ (ICU) ප්‍රතිකාර ලබමින් සිටියාය. ඇය අද (11) අලුයම ප්‍රතිකාර ලබමින් සිටියදී මියගොස් ඇත.

මියගිය කාන්තාව 52 හැවිරිදි දොඩංගොඩ ප්‍රදේශයේ පදිංචිකාරිනියක් ලෙස හඳුනාගෙන ඇති බව පොලිසිය පවසයි.

කළුතර දකුණ පොලිසිය මෙම සිදුවීම සම්බන්ධයෙන් වැඩිදුර පරීක්ෂණ පවත්වමින් සිටී.