අපරාධ පරීක්ෂණ දෙපාර්තමේන්තුවේ (CID) නිලධාරීහු හයදෙනෙක් ඊයේ(25) හිටපු ජනාධිපති රනිල් වික්‍රමසිංහගේ නිවසට ගොස් ඔහුගේ බිරිඳ වන මහාචාර්ය මෛත්‍රී වික්‍රමසිංහගෙන් ප්‍රකාශයක් ලබාගත්හ.

ඔවුන් කොළඹ රනිල්ගේ නිවසට පැමිණි විට, සිංගප්පූරුවේදී මෑතකදී හෘද සැත්කමකට භාජනය වූ හිටපු ජනාධිපතිවරයා ඉදිරියේ පැළඳීමට නිලධාරීන්ට ශල්‍ය මුහුණු ආවරණ කිහිපයක් ලබාදී ඇත.

කෙසේවෙතත්, CID නිලධාරීන් එම ඉල්ලීම ප්‍රතික්ෂේප කර, එම ස්ථානයෙන් පිටව ගොස්, අසල පිහිටි ෆාමසියකින් තමන්ගේ භාවිතයට මුහුණු ආවරණ මිලදීගෙන ආපසු පැමිණ තිබේ.

ප්‍රකාශය සටහන් කර ගැනීමට ඔවුන්ට පැය හතරකට ආසන්න කාලයක් ගතව ඇත.