බස්නාහිර පළාත් සභාවේ ශ්‍රී ලංකා පොදුජන පෙරමුණේ හිටපු මන්ත්‍රීවරයකු වන අමල් සිල්වා, ව්‍යාජ ලියකියවිලි යොදා ලියාපදිංචි කර ඇති බවට චෝදනා කරමින් රුපියල් මිලියන 60 ක් පමණ වටිනා සුඛෝපභෝගී වාහන තුනක් සමඟ වලාන දූෂණ මර්දන ඒකකය විසින් අත්අඩංගුවට ගෙන ඇති බව පොලිසිය පවසයි.

වලාන දූෂණ මර්දන ඒකකයට ලැබුණු බුද්ධි තොරතුරක් මත සිදු කරන ලද වැටලීමකදී ඊයේ (28) ඔහු අත්අඩංගුවට ගෙන ඇත.

වාර්තාවලට අනුව, මෙම වාහන නීතිවිරෝධී ලෙස රටට ආනයනය කර ව්‍යාජ ලියාපදිංචි අංක යටතේ ව්‍යාජ ලියාපදිංචි අංක යටතේ මෝටර් රථ ප්‍රවාහන දෙපාර්තමේන්තුවේ ලියාපදිංචි කර ඇත.

අත්අඩංගුවට ගත් වාහන අතර ලෑන්ඩ් රෝවර් සහ මිට්සුබිෂි ජීප් රථයක් ඇතුළු SUV රථ තුනක් විය.

මූලික පොලිස් පරීක්ෂණවලින් හෙළි වී ඇත්තේ මේවාට භාවිත කරන ලද ලියාපදිංචි අංක රජය සතු වාහනවලට අයත් බවත්, මෙම සුඛෝපභෝගී වාහන නීතිවිරෝධී ලෙස ලියාපදිංචි කිරීම සඳහා ව්‍යාජ ලේඛන නිර්මාණය කර ඇති බවත්ය.

සැකකරු අද (29) පානදුර මහේස්ත්‍රාත් අධිකරණයට ඉදිරිපත් කිරීමට නියමිතය.