මඩකලපුවේ මංගලාරාමාධිපති පූජ්‍ය අම්පිටියේ සුමනරතන හිමියන් තම ජීවිතයට දිගින් දිගටම එල්ල වන තර්ජන හේතුවෙන් වහාම ආරක්ෂාව සපයන ලෙස ජනාධිපතිවරයාගෙන් සහ ආරක්ෂක ලේකම්වරයාගෙන් ඉල්ලා තිබේ.

මීට වසර දෙකකට පෙර තමාට එල්ල වූ වෙඩි ප්‍රහාරයකට සම්බන්ධ සැකකරුවන් නිදැල්ලේ සිටින බව උන්වහන්සේ සඳහන් කරති.

තමන් වහන්සේ ආරක්ෂා කිරීමට පත්කර සිටි සිවිල් ආරක්ෂක නිලධාරීන් පස්දෙනා අගෝස්තු 30 වැනි දින ඉවත් කළ බවත්, එමඟින් බරපතල ආරක්ෂක හිඩැසක් ඇති වූ බවත් උන්වහන්සේ පවසති.

අම්පාර පන්සල්ගල රජමහා විහාරයේ පැවැති ජනමාධ්‍ය හමුවකදී උන්වහන්සේ මෙම අදහස් පළකළහ.