October 13, 2025
කාන්තා හා ළමා කටයුතු අමාත්ය සහ ශ්රී ලංකා කාන්තා පාර්ලිමේන්තු මන්ත්රීවරියන්ගේ සංසදයේ සභාපතිනිය වන සරෝජා සාවිත්රි පෝල්රාජ් බාබඩෝස් හි බ්රිජ්ටවුන් හි 68 වැනි පොදුරාජ්ය මණ්ඩලීය පාර්ලිමේන්තු සමුළුවේ කොටසක් ලෙස පැවති 9 වැනි පොදුරාජ්ය මණ්ඩලීය කාන්තා පාර්ලිමේන්තු මන්ත්රීවරියන්ගේ සමුළුව සඳහා සහභාගී වූවාය.
එහිදී සමුළුව අමතමින් ඇය පැවසුවේ දේශපාලනය තුළ ස්ත්රී පුරුෂභාවය මත පදනම් වූ හිරිහැර ආමන්ත්රණය කිරීම සඳහා ඒකාබද්ධ ගෝලීය ප්රවේශයක් අවශ්ය බවයි.
එමෙන්ම වෛරයෙන් තොර විවාදයක අවශ්යතාවය ද ඇය අවධාරණය කළාය.
දේශපාලනයේදී කාන්තාවන් හිරිහැර, වෛරී කථනය සහ මාර්ගගත අපයෝජනයෙන් ආරක්ෂා කර ගන්නේ කෙසේද යන්න සැසියේදී විමසා බලන ලදී.
බියගැන්වීම සහ ප්රචණ්ඩත්වය සඳහා නිදහස් භාෂණය අනිසි ලෙස භාවිත කිරීම අවසන් කිරීමේ සහ පොදු ජීවිතය තුළ වගකිවයුතු, ගෞරවනීය සන්නිවේදනය ප්රවර්ධනය කිරීමේ අවශ්යතාවය සහභාගිවන්නන් අවධාරණය කර ඇත.
එහිදී ඉදිරිපත් කළ සිය කතාවේදී අමාත්ය සරෝජා සාවිත්රි පෝල්රාජ් ප්රධාන පියවර කිහිපයක් යෝජනා කර තිබේ.
ඒවාට ඇතුළත් වන්නේ,
– ස්ත්රී පුරුෂභාවය මත පදනම් වූ ප්රචණ්ඩත්වය, ලිංගිකත්වය සහ අන්තර්ජාල අපයෝජන ආමන්ත්රණය කිරීම සඳහා පාර්ලිමේන්තු මන්ත්රීවරුන් සඳහා ආදර්ශ හැසිරීම් සංග්රහයක් සංවර්ධනය කිරීම යන කරුණුය.
– ස්ත්රී පුරුෂභාවය මත පදනම් වූ ආරක්ෂණ ක්රම සහ ස්වාධීන පැමිණිලි පද්ධති ස්ථාපිත කිරීමට පාර්ලිමේන්තුවලට උපකාර කිරීම සඳහා හොඳම භාවිතයන්ගේ ගබඩාවක් නිර්මාණය කිරීම.
– සියලුම පාර්ලිමේන්තු මන්ත්රීවරුන් සහ කාර්ය මණ්ඩලය සඳහා අනිවාර්ය ස්ත්රී පුරුෂභාවය පිළිබඳ සංවේදීතාව සහ හිරිහැර විරෝධී පුහුණුවක් හඳුන්වාදීම.
කාන්තාවන්ට ගෞරවයෙන් දේශපාලනයට සහභාගී වීමට ආරක්ෂිත, ඇතුළත් පරිසරයක් ගොඩනැගීම සඳහා එවැනි පියවර අත්යවශ්ය බව ද ඇය පැවසුවාය.
