ශ්‍රී ලංකා එක්දින ක්‍රිකට් නායක දසුන් ශානකට විනාශකාරී පිතිකරුවකු වීමට හැකියාව ඇති බවත්, යළිත් ඔහුව දක්ෂතා අතරට ගෙනඒම සඳහා දැඩි පුහුණුවක් අවශ්‍ය බවත් ශ්‍රී ලංකා පුහුණුකරු ක්‍රිස් සිල්වර්වුඩ් විශ්වාස කරයි.

ඊයේ කණ්ඩායමේ ආසියානු කුසලාන පරාජයෙන් පසු ජනමාධ්‍යවේදීන් අමතමින් සිල්වර්වුඩ් කියාසිටියේ, දසුන් ශානක වඩාත් විශ්වාසයෙන් යුතුව කටයුතු කිරීම සහ දිගටම වෙහෙස මහන්සි වී පුහුණුවීම් කිරීම සහතික කිරීම අත්‍යවශ්‍ය බවයි.

“අපට මෙය ආපසු හැරවිය හැකි යැයි බලාපොරොත්තු වෙමු. වෙන දෙයක් නෑ. අපි තව තවත් වෙහෙස මහන්සි වී වැඩ කළ යුතු අතර ඔහු කෙරෙහි එම විශ්වාසය ඇති කර ගැනීමට උත්සාහ කළ යුතුයි ”ඔහු පැවැසීය.

දසුන් ශානක තම පිතිහරඹයට අමතරව ආසියානු කුසලාන තරගාවලියේදී ප්‍රයෝජනවත් පන්දු යවන්නකු වූ බවද සිල්වර්වුඩ් පෙන්වා දුන්නේය.

ශ්‍රී ලංකා පුහුණුකරු අවධාරණය කළේ, කණ්ඩායමක නායකයා වීමට ලකුණු ලබාගැනීමට වඩා වැඩි යමක් ඇති බවයි.

සිල්වර්වුඩ් පැවසුවේ, කණ්ඩායම් කළමනාකාරිත්වය දසුන්ට සහයෝගය දැක්වීමට වගබලා ගන්නා බවත්, අවශ්‍ය වැඩිදියුණු කිරීම් කිරීමට ඔහුට උදව් කිරීමට කටයුතු කරන බවත් ය.