මුදල් ආරවුලක් මත පියාගේ පොරෝ පහරකට ලක්වූ පුතෙක් බරපතල තුවාල ලබා කුරුණෑගල මහ රෝහලේ ප්‍රතිකාර ලබමින් සිටියදී මියගොස් තිබෙන බව වාර්තා වේ.

මෙලෙස මියගොස් ඇත්තේ 23 හැවිරිදි මාඑළිය ප්‍රදේශයේ පදිංචිකරුවෙක් බව පැවැසේ.

පහරදීම සිදු සිදුකළ හතළිස් පස් හැවිරිදි පියා පන්සියගම පොලීසිය අත්අඩංගුවට ගෙන තිබේ.

පුත්‍රයාගේ යතුරුපැදිය පොලිසිය විසින් අත්අඩංගුවට ගෙන ඇති අතර, එම යතුරුපැදිය මුදාගැනීමට මුදල් අවශ්‍ය බව පැවසීමේදී ඇති වූ වචන හුවමාරුව දුරදිග යෑමෙන් පසු මෙම පහරදීම සිදුව ඇති බව විමර්ශනවලදී හෙළිවී ඇත.

මියගිය තරුණයාගේ මව විදේශගතව සිටින බවද වැඩිදුරටත් පොලිසිය අනාවරණය කරයි.