July 26, 2023
විස්තීරණ න්‍යෂ්ටික පරීක්ෂණ තහනම් ගිවිසුම (CTBT) අනුමත කළ 178 වැනි රාජ්‍යය බවට ශ්‍රී ලංකාව පත්ව ඇත.
මෙම අනුමත කිරීම නිව් යෝර්ක් හි එක්සත් ජාතීන්ගේ මූලස්ථානයේදී උත්සවයක් සමඟින් සිදුකෙරිණි.
මෙම අවස්ථාවට එක්සත් ජාතීන්ගේ සංවිධානයේ ශ්‍රී ලංකාවේ නිත්‍ය නියෝජිත මොහාන් පීරිස් සහ එක්සත් ජාතීන්ගේ නීති කටයුතු පිළිබඳ කාර්යාලයේ (UNOLA) ගිවිසුම් අංශය භාර නිලධාරී ඇන්ඩ්රේ කොලොමොට්ස් යන අය සහභාගි වූහ.
ශ්‍රී ලංකාවේ මෙම අනුමත කිරීම සිදුවන්නේ, විස්තීරණ න්‍යෂ්ටික-පරීක්ෂණ-තහනම් ගිවිසුම් සංවිධානයේ (CTBTO) විධායක ලේකම් රොබට් ෆ්ලොයිඩ්ගේ ශ්‍රී ලංකා සංචාරයකින් පසුව, ජුනි 06වැනිදා කැබිනට් මණ්ඩලය විසින් ගිවිසුම නිල වශයෙන් අනුමත කිරීමෙන් පසුවය.
ශ්‍රී ලංකාව දැනටමත් න්‍යෂ්ටික අවි ව්‍යාප්ත නොකිරීමේ ගිවිසුම (NPT), ජීව විද්‍යාත්මක අවි සම්මුතිය (BWC) සහ රසායනික අවි සම්මුතිය (CWC) සඳහා රාජ්‍ය පාර්ශවකරුවකු වේ.
