පොළොන්නරුව ජාතික වෘක්කවේද (වකුගඩු) රෝහලේ මුළුතැන්ගෙයි සිදු වූ ගෑස් සිලින්ඩර පිපිරීමකින් එහි සේවකයන් අවම වශයෙන් හත්දෙනකු හෝ තුවාල ලබා පොළොන්නරුව මහරෝහලට ඇතුළත් කර ඇත.

මෙම අනතුර අද අලුයම 4:30 ට පමණ සිදුව තිබේ.

පිපිරීමට හේතු වූ ගෑස් කාන්දුව සිදුවූයේ කෙසේද යන්න මෙතෙක් නිශ්චිතව අනාවරණය වී නොමැති බව පොළොන්නරුව පොලිසිය පවසයි.

සිද්ධිය සම්බන්ධයෙන් පොලිසිය වැඩිදුර විමර්ශන පවත්වයි.