2026 ෆිෆා ලෝක කුසලාන පාපන්දු තරගාවලියේ අවසන් මහා තරගය නැරඹීමට සිසුන්ට අවස්ථාව සලසා දීම සඳහා, ඉන්දියාවේ කේරළ ප්‍රාන්තය පුරා පිහිටි පාසල් සඳහා හෙට (ජූලි 20 සදුදා) දිනය නිවාඩු දිනයක් ලෙස ප්‍රකාශයට පත් කිරීමට කේරළ රජය පියවර ගෙන තිබේ.

ආර්ජන්ටිනාව සහ ස්පාඤ්ඤය අතර පැවැත්වෙන මෙම අවසන් මහා තරගය ඉන්දියානු වේලාවෙන් ඉරිදා මධ්‍යම රාත්‍රියෙන් පසුව (සඳුදා අලුයම) සජීවීව විකාශය වන බැවින්, නිවාඩුවක් ලබාදෙන ලෙස මහජනතාවගෙන් ලැබුණු ඉල්ලීම් සලකා බලා කේරළයේ පොදු අධ්‍යාපන දෙපාර්තමේන්තුව විසින් මෙම තීරණය නිවේදනය කර ඇත.

කේරළ ප්‍රාන්තය පාපන්දු ක්‍රීඩාව සඳහා, විශේෂයෙන්ම ආර්ජන්ටිනා සහ බ්‍රසීල කණ්ඩායම් සඳහා දැඩි ලැදියාවක් දක්වන ප්‍රදේශයක් ලෙස ප්‍රසිද්ධියක් උසුලන අතර, තරගය නිමිත්තෙන් ප්‍රාන්තය පුරා දැවැන්ත තිර හරහා තරගය ප්‍රදර්ශනය කිරීමට සහ සැමරුම් උත්සව පැවැත්වීමට කටයුතු සූදානම් කර තිබේ.

කෙසේවෙතත්, මෙම නිවාඩු ප්‍රකාශනය අදාළ වන්නේ පොදු අධ්‍යාපන දෙපාර්තමේන්තුව යටතේ පවතින පාසල් සඳහා පමණි. සියලුම උසස් අධ්‍යාපන ආයතන සඳහා ප්‍රාන්තය පුරා බලපැවැත්වෙන පොදු නිවාඩුවක් මෙතෙක් ස්ථිරව නිවේදනය කර නොමැත.

ෆිෆා ලෝක කුසලාන අවසන් මහා තරගය ඇමරිකා එක්සත් ජනපදයේදී ඉරිදා (ජූලි 19) පැවැත්වෙන අතර, ඉන්දියාවේ වේලාවෙන් එම තරගය ආරම්භ වන්නේ මධ්‍යම රාත්‍රියෙන් පසුවය.